Maren Ade

D Maren Ade (* 12. Dezämber 1976 z Charlsrue) isch e dytschi Filmreschisseeri, Draibuechautoori un Filmbroduzänti. Fir ire Spiilfilm Toni Erdmann het si dr Europäisch Filmbryys 2016 gwunne un isch unter anderem fir dr Oscar un dr Golden Globe nominiert gsii. Zäme mit dr Janine Jackowski un em Jonas Dornbach duet si d Filmprodukzioonsfirma Komplizen Film laite.

D Maren Ade het ab 1998 an dr HFF München zeerscht Produkzioon un Meediewiirtschaft un speeter Spiilfilmreschy studiert.

Anne 2001 het si zäme mit dr Janine Jackowski d Filmprodukzioonsfirma Komplizen Film grindet, wu si 2003 ire HFF-Abschlussfilm Der Wald vor lauter Bäumen dermit broduziert het. Dr Film isch uf e Hufe internazionaale Feschtiwäl zaigt woore un het unter anderem dr Speziaalbryys vu dr Jury vum Sundance Film Festival 2005 gwunne. Ir zweet Spiilfilm Alle anderen het sy Uuruffierig im Wettbewäärb vu dr Internazionaaale Filmfeschtspiil Berlin 2009 ghaa un isch deert mit em Große Bryys vu dr Jury un mit em Silberne Bäär fir d Birgit Minichmayr as Beschti Daarstelleri uuszaichnet woore. Alle anderen sin in iiber achtzeh Länder in dr Kino glofe.

Fir ire dritt Spiilfilm, d Draagikumeedi Toni Erdmann, isch d Ade 2016 zum Wettbewäärb vu dr 69. Internazionaale Filfeschtspiil vu Canne 2016 yyglaade woore. No siibe Joor isch s dr eerscht dytsch Film, wu nominiert wooren isch. Toni Erdmann het z in Cannes faabelhafti Kritike iiberchuu un isch mit em FIPRESCI-Bryys uuszaichnet woore.^[1] Im nämlige Joor het dr Film fimf Europäischi Filmbryys gwunne unh isch 2017 fir dr Oscar in dr Kategory „Beschte främdsproochige Film“ un fir dr Golden Globe Award nominiert woore.^[2][3] D Ade isch di eerscht Reschisseer, wu mit eme Film dr Europäisch Filmbryys in dr Kategory „Beschte Film“ het chenne gwinne.

Anne 2017 isch si in d Wettbewäärbsjury vu dr 70. Filmfeschtspiil vu Cannes gruefe woore.

D Maren Ade duet näbe ire aigene Film au Wäärch vu andere Reschisseer produziere.

Si läbt mit em Reschisseer Ulrich Köhler un ire Chinder z Berlin.

• 2000: Ebene 9 (Chuurzfilm)
• 2001: Vegas (Chuurzfilm)
• 2003: Der Wald vor lauter Bäumen
• 2009: Alle anderen
• 2016: Toni Erdmann

• 2002: Karma Cowboy (Spiilfilm vu dr Sonja Heiss un dr Vanessa van Houten, as Broduzänti)
• 2006: Hotel Very Welcome (Spiilfilm vu dr Sonja Heiss, as Broduzänti)
• 2011: Schlafkrankheit (Spiilfilm vum Ulrich Köhler, as Broduzänti)
• 2012: Tabu – Eine Geschichte von Liebe und Schuld (Spiilfilm vum Miguel Gomes, as Kobroduzänti)
• 2012: Die Lebenden (Spiilfilm vu dr Barbara Albert, as Kobroduzänti)
• 2013: Tanta Agua (Spiilfilm vu dr Ana Guevara un dr Leticia Jorge, as Kobroduzänti)
• 2013: Redemption (Chuurzfilm vum Miguel Gomes, as Kobroduzänti)
• 2014: Über-Ich und Du (Spiilfilm vum Benjamin Heisenberg, as Broduzänti)
• 2014: Love Island (Spiilfilm vu dr Jasmila Zbanic, as Kobroduzänti)
• 2015: Hedi Schneider steckt fest (Spiilfilm vu dr Sonja Heiss, as Broduzänti)
• 2015: Arabian Nights (Spiilfilm vum Miguel Gomes, as Kobroduzänti)
• 2017: Western (Spiilfilm vu dr Valeska Grisebach, as Broduzänti)
• 2019: O Beautiful Night
• 2019: Giraffe
• 2020: Exil
• 2022: A E I O U – Das schnelle Alphabet der Liebe
• 2022: Corsage

• 2005: Special Jury Award, Sundance Film Festival fir Der Wald vor lauter Bäumen
• 2005: Beschte Spiilfilm – Grand Prize, IndieLisboa – International Independent Film Festival fir Der Wald vor lauter Bäumen
• 2005: Beschte Film, Nominierung fir dr Dytsch Filmbryys fir Der Wald vor lauter Bäumen
• 2005: Beschte Spiilfilm, Cine Jove Valencia Film Festival fir Der Wald vor lauter Bäumen
• 2009: Silberne Bäär – Grooße Bryys vu dr Jury, Berlinale, fir Alle Anderen
• 2010: Nominierige zum Dytsche Filmbryys in dr Kategorie Beschte Film un Beschti Reschy fir Alle Anderen
• 2010: Beschti Reschy un FIPRESCI Critics Award, Buenos Aires Festival of Independent Cinema fir Alle Anderen
• 2010: Hauptbryys, Internationals Frauefilmfeschtiwäl Dortmund/Köln fir Alle Anderen
• 2014: Chunschtbryys Berlin in dr Sparte Film un Meediechunscht.
• 2015: Bryys vu dr DEFA-Stiftig fir rusragendi Laischtige im dytsche Film fir Komplizen Film
• 2016: Herbert-Strate-Bryys^[4]
• 2016: LUX-Filmbryys vum Europäische Barlemänt fir Toni Erdmann^[5]
• 2016: Hamburger Broduzäntebryys fir Europäischi Kino-Kobrodukzioone bim Filmfescht Hamburg fir Scarred Hearts – Vernarbte Herzen
• 2016: Europäische Filmbryys fir Toni Erdmann (Beschti Reschy, Bescht Draibuech)
• 2016: Bayerische Filmbryys fir Toni Erdmann (Reschy)
• 2017: Independent Spirit Award fir Toni Erdmann (Beschte internazionaale Film)^[6]
• 2017: Dytsche Filmbryys fir Toni Erdmann (Beschte Spiilfilm, Bescht Draibuech, Beschti Reschy)
• 2018: Dytsche Filmbryys in Bronze fir Western (Beschte Spiilfilm)
• 2019: Locarno Festival – Raimondo Rezzonico Bryys^[7]

• Take 100. The Future of Film: 100 New Directors. Phaidon, London 2010, ISBN 9780714849553.
• Rajendra Roy, Anke Leweke: The Berlin School: Films from the Berliner Schule. The Museum of Modern Art, New York 2013, ISBN 9780870708749.

 Commons: Maren Ade – Sammlig vo Multimediadateie

• Maren Ade in dr Internet Movie Database
• Maren Ade bi filmportal.de
• Komplizen Film
• Das Eigene Sehen. taz vum 2. Februar 2009
• Maren Ade: Der kleine Amoklauf der Liebe. Die Presse vum 20. Juni 2009
• Maren Ade: „Die Hölle, das sind wir selber“. Der Tagesspiegel vum 10. Februar 2009

1. ↑ Cannes: „Toni Erdmann“, „Dogs“ take Fipresci Prizes. The Hollywood Reporter, 21. Mai 2016, abgerufen am 6. Februar 2017.
2. ↑ „Toni Erdmann“ für den Oscar nominiert. Zeit Online, 24. Jänner 2017.
3. ↑ „Toni Erdmann“ für Golden Globes 2017 nominiert. FAZ, 12. Dezämber 2016.
4. ↑ Salzburger Nachrichten: Maren Ade und Maria Schrader bekommen Strate-Preis. Artikel vum 3. Novämber 2016.
5. ↑ LUX-Filmpreis 2016 geht an den Film „Toni Erdmann“ von Marion Ade. In: europa.eu. Europäisches Parlament, abgruefen am 23. November 2016. 
6. ↑ Maren Ade bekommt für „Toni Erdmann“ Indie-Award. Abgruefen am 26. Februar 2017. 
7. ↑ Filmfestival Locarno: Maren Ade soll mit Sonderpreis ausgezeichnet werden. Artikel vum 4. Juni 2019.

Dä Artikel basiert uff ere fräie Übersetzig vu dere Version vum Artikel „Maren_Ade“ vu de dütsche Wikipedia. E Liste vu de Autore un Versione isch do z finde.