Paul Usteri

Dr Paul Usteri (* 14. Februar 1768 z Züri; † 9. April 1831 z Züri) isch e liberale Schwiizer Publizist und Politiker gsi.

Dr Paul (ursprünglig Paulus) Usteri isch dr eltist Sohn vom Pedagog Leonhard Usteri (1741–1789) gsi. Er isch Mediziner gsi und e schwiizerische Staatsroot.

Dr Usteri het sich grossi Verdienst um d Entwicklig vo der Pressefreiheit in dr Schwiiz gmacht. Under anderem isch er dr Herusgäber vo de Ziitschrifte Klio und Der schweizerische Republikaner (1798–1803; zletzt under em Titel "Der Republikaner") gsi, wo dinne vor allem d Grundsätz vo dr Helvetische Republik beschriibe worde si. Siini Kenntnis vo dr revolutionären Entwicklig z Frankriich het er siine Kontakt zu vile Ziitgnosse verdankt, wo sich wie är politisch im Sinn vo dr Revolution engagiert hai (drunder dr Johann Georg Kerner, dr Konrad Engelbert Oelsner, dr Karl Friedrich Reinhard).

Dr Usteri het eini vo drei wältwiit grösste Sammlige vo französische Revolutionsflugschrifte hinderloo. Si isch im Bsitz vo dr Zentralbibliothek Züri, wo sich zur Ziit zsämme mit dr Universität Freiburg im Breisgau under dr Leitig vom Christian Aliverti um die elektronischi Rekatalogisierig vo öbbe 7500 Broschüre bemüeht.

• Wilhelm Oechsli: Usteri, Paul. In: Allgemeine Deutsche Biographie (ADB). Band 39, Duncker & Humblot, Leipzig 1895, S. 399–408.

• Sammlig vo französische Revolutionsschrifte in dr Sammlig Alte Drucke vo dr Zentralbibliothek Züri (Site cha nüme abgrüeft wärde; Suche im Webarchiv)[1] [2] Vorlage:Toter Link/www.zb.uzh.ch
• Katja Hürlimann: Paul Usteri In: Historisches Lexikon vo dr Schwiiz.