Umm Kulthum
| Umm Kulthum | |
|---|---|
 Umm Kulthum | |
| Date | |
| Geburtsname | Fatima Ibrahim |
| Uf d Wält cho | vermuetlig am 4. Mai 1904 Tammai az-Zahaira, Egüpte |
| Gstorbe | 3. Februar 1975 z Kairo |
| Genre | Klassischi arabischi Muusig |
| Beschäftigung | Vokalist, Musiker, |
| Instrument | Gsang |
| Aktiv | öbbe 1924 bis 1973 |
| Label | EMI Arabia |
| Het gspiilt mit | Fairuz Abdel Halim Hafez |
D Umm Kulthum (* zwüsche 1898 und 1910, vermuetlig am 4. Mai 1904 z Tammai az-Zahaira; † 3. Februar 1975 z Kairo; arabisch أمّ كلثوم, DMG ʾUmm Kulṯūm, Ägyptisch-Arabisch ʾUmm Kalsūm, Alternativschriibwiise under anderem Oum Kalsoum und Umm Kultum; äigentlig ʾUmm Kulṯūm Fātima ʾIbrāhīm as-Sayyid al-Baltaǧī) isch en egüptischi Sängere und Musikere gsi. Iire Ruem in dr arabische Wält cha mä mit däm vo dr Maria Callas und de Beatles in dr westlige Wält vergliiche.
Lääbe
[ändere | Quälltäxt bearbeite]Si isch as Fatima Ibrahim uf d Wält cho und uf em Land ufgwaggse. 1923 het si dr Scheich Abu l-Ila kennegleert, wo e füerende religiöse Sänger in Egüpte gsi isch und dr Hauptverdräter vo dr klassische islamische Gsangsdradizion. Dä het ere Underricht gee und si understützt, wo si uf Kairo het welle goo. Iire Vater isch zerst nid iiverstande gsi, aber schliesslig si si z dritt, dr Vater, d Fatima und e Brueder uf Kairo gange. Dört het si d Ud gleert spiile und iir Repertuar modärnisiert. 1928 isch si äini vo de füerende Sängerinne in dr Stadt gsi.
1932 het si iiri ersti internazionali Durnee gmacht, under anderem uf Damaskus, Bagdad, Beirut und Tripolis. 1935 het si in Film afo spiile. D 1940er und 1950er Joor gälte as iir „Goldigs Zitalter“. In dere Zit isch s ere au glunge, die vollständigi künstlerischi Kontrolle über iiri Karriere überzchoo und si het im Muusiggschäft wichdigi Funkzione übernoo.
D Umm Kulthum isch in dr ganze arabische Wält berüemt und beliebt gsi, und wo si 1975 gstorbe isch, si Millione zu iirer Beärdigung choo.
Litratuur
[ändere | Quälltäxt bearbeite]- Gabriele Braune: Umm Kultūm: Ein Zeitalter der Musik in Ägypten. Die moderne ägyptische Musik des 20. Jahrhunderts. Lang, Frankfurt 1994. ISBN 3-631-47145-9
- Virginia Danielson: The Voice of Egypt – Umm Kulthūm, Arabic Song, and Egyptian Society in the Twentieth Century. University Press, Chicago 1997. ISBN 0-226-13611-6
- Stefanie Gsell: Umm Kulthum - Persönlichkeit und Faszination der ägyptischen Sängerin. Lang, Frankfurt 1994. ISBN 3-631-47145-9
Weblingg
[ändere | Quälltäxt bearbeite]
Commons: Umm Kulthum – Sammlig vo Multimediadateie- Umfangriichi Fäänpeidsch (änglisch)
