Заходняя Афрыка
![](http://upload.wikimedia.org/wikipedia/commons/thumb/c/c7/Africa-countries-western.svg/250px-Africa-countries-western.svg.png)
Захо́дняя А́фрыка — умоўная назва часткі афрыканскага кантынэнту, якая знаходзіцца на поўначы ад Ґвінэйскай затокі, і на поўдзень ад Сахары. Уключае абшары заходняга Сахелю, заходняга Судану, часткова тэрыторыі Афрыкі занятыя трапічнымі лясамі.
Геаграфія[рэдагаваць | рэдагаваць крыніцу]
Па клясыфікацыі ААН да Заходняй Афрыкі адносяцца наступныя краіны:
Буркіна-Фасо
Бэнін
Ґамбія
Гана
Ґвінэя
Ґвінэя-Бісаў
Каба-Вэрдэ
Кот д'Івуар
Лібэрыя
Малі
Маўрытанія
Ніґер
Ніґерыя
Сьвятая Гэлена
Сьера-Леонэ
Сэнэгал
Тоґа
Часам да Заходняй Афрыкі адносяць і Заходнюю Сахару, Чад і Камэрун.
Тэрыторыя Заходняй Афрыкі пераважна занятая раўнінамі (каля 300 м над узроўнем мора), тэрыторыі, якія ўздымаюцца вышэй, месьцяцца толькі лякальна (самыя высокія ў Сьера-Леонэ і Камэруне). Клімат у асноўным паўсухі, расьліннасьць саванная, сухая пара цягнецца зь лістапада да сакавіка. Трапічныя лясы сустракаюцца толькі на ўзьбярэжжы Ґвінэйскай затокі, і на тэрыторыі Ніґерыі і Камэруну. На паўночнай тэрыторыі Заходняй Афрыкі, у зоне Сахелю, прылягаючай да Сахары, расьліннасьць паўпустэльная, у асноўным уздоўж рэк.
Праз Заходнюю Афрыку працякаюць некалькі вялікіх рэк:
Насельніцтва[рэдагаваць | рэдагаваць крыніцу]
На мяжы з Сахарай жывуць бэрбэры і маўры з больш сьветлай скурай, на поўдзень — нігера-кардафанскія народнасьці. Значная колькасьць насельніцтва Заходняй Афрыкі вызнае мясцовыя веравызнаньні, таксама існуюць і мусульмане, на ўзьбярэжжы хрысьціяне, якія зьявіліся ў выніку місіянэрскай дзейнасьці.