Таймыр

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Таймыр (неадназначнасьць).

Таймы́р (Таймырскі паўвостраў, па-расейску: Таймыр, Таймырский полуостров) — паўвостраў у Расеі, самая паўночная матэрыковая частка сушы Эўразійскага кантынэнту, месьціцца паміж Енісейскім залівам Карскага мора і Хатанскім залівам мора Лапцевых. Паводле характару паверхні дзеліцца на 3 часткі: Паўночна-Сыбірская нізіна, горы Быранга (вышыня да 1125 мэтраў), якія цягнуцца з паўднёвага захаду на паўночны ўсход, і прыбярэжная раўніна ўздоўж узьбярэжжа Карскага мора. Паўднёвай мяжой паўвострава лічыцца паўночны ўступ плято Путарана.

Найбуйнейшыя рэкі Таймыру: Пясіна, Верхняя і Ніжняя Таймыра, Хатанга.

Найбуйнейшыя азёры: Таймыр, Партнягіна, Кунгасалах, Лабаза, Какора.

Таймыр — сховішча мультымэдыйных матэрыялаў

• Иванов Д. Полуостров холода  (рас.) // часопіс «Вокруг света». — 2004. — № 11.
• Прырода Таймыру (фатаграфіі) (рас.)