Picasa
 | |
|---|---|
 | |
| Տեսակ | գրաֆիկական խմբագրիչ, Պատկերացանցային գրաֆիկայի խմբագրիչ և image viewer? |
| Նախագծումը՝ | Գուգլ |
| Գրված է՝ | C++ |
| ՕՀ | Windows, մաքՕՍ և Լինուքս |
| Առկա է | բազմալեզու |
| Լույս տեսավ՝ | հոկտեմբերի 15, 2002 |
| Կարդագող ֆայլերի ֆորմատ | WebP Lossy?, WebP Extended?, WebP Lossless?, Picasa info (generic)?, Picasa album info?, Picasa movie project? և Picasa collage? |
| Ստեղծվող ֆայլերի ֆորմատ | Picasa info (generic)?, Picasa album info?, Picasa movie project? և Picasa collage? |
| Արտոնագիր | freeware |
| Կայք | picasa.google.com |
 Picasa Web Albums Վիքիպահեստում | |
Picasa, «Lifescape» ընկերության կողմից 2002 թվականին ստեղծված անվճար ծրագիր։ Նախատեսված է թվային լուսանկարների հետ աշխատելու համար[1]։ «Picasa» անվանումը բառախաղ է՝ իսպանացի նկարիչ Պաբլո Պիկասոյի անվան, «իմ տունը» (իսպ.՝ mi casa) արտահայտության և «լուսանկար», «նկար» (անգլ.՝ pic)[2] բառի։ 2004 թվականի հունիսի 13-ին «Picasa»-ն ձեռք է բերվել «Google»-ի կողմից։ «Picasa»-ն ինտեգրվել է Picasa Web Albums (Picasa վեբ-ալբոմներ) հոսթինգում, ինչպես նաև Blogger, Gmail, Youtube և Google Plus ծրագրերում։ Նախագիծը փակվել է 2016 թվականի մայիսի 1-ին[3]։
Ծրագրի հնարավորություններ և թերություններ
[խմբագրել | խմբագրել կոդը]Հնարավորություններ
- Նկարների վերբեռնում համակարգիչ սկաներից կամ ֆոտոխցիկից,
- լուսանկարների ավտոմատ ինդեքսացում համակարգչի կոշտ դիսկի վրա,
- նկարների դիտում սովորական և լրիվ էկրանի ռեժիմով, այդ թվում՝ ցուցադրման ռեժիմով,
- գեոթեգավորում․ Picasa-ն կարող է արձանագրել կոորդինատները Exif մետատվյալների մեջ, 3.5 տարբերակից սկսած՝ դրա համար այլևս անհրաժեշտ չէ ներբեռնել Google Earth,
- լուսանկարի խմբագրում, ներառյալ՝ ռետուշավորում, կտրում և ուղղում,
- լուսանկարների վրա տարբեր էֆեկտների կիրառում, ներառյալ՝ կարմիր աչքերի շտկում,
- լուսանկարների տպում,
- կոլաժների ստեղծում,
- լուսանկարների ուղարկում էլեկտրոնային փոստով և հրապարակում բլոգներում,
- լուսանկարների հիման էկրանի պատկերների և ձայնասկավառակների ստեղծում՝ լուսանկարների սլայդ շոուներով,
- պատկերը խմբագրելիս պահպանում է բնօրինակը թաքնված թղթապանակում,
- դեմքի ճանաչում և խմբավորում։
Թերություններ
[խմբագրել | խմբագրել կոդը]- GIF ֆայլերը ցուցադրվում են ոչ անիմացիոն ձևով։
- Երբեմն PNG-ում ալֆա-ալիքի ցուցադրման խնդիրներ են առաջանում։
- Ալբոմների ներսում հնարավոր չէ ստեղծել այլ ալբոմներ (այսպես կոչված «ներդրված»)։
- Լռելյայն չի տեսակավորում նկարները ֆայլի անունով, ինչպես անում են ֆայլերի կառավարիչները։
- Չի ցուցադրում բազմաբնույթ TIFF ֆայլերը։
- Անհարմար է փոխել պատկերի չափերը (միայն արտահանման միջոցով այլ թղթապանակում)։
Տարբերակներ
[խմբագրել | խմբագրել կոդը]Microsoft Windows-ի համար
- 1.618, 2004 թվականի հուլիսին Google-ի կողմից Picasa Software-ի գնումից հետո անվճար ներբեռնման տարբերակ է առաջարկվել։
- 2.0.0 (18.77 հավաքում), 2005 թվականի հունվար 18, ավելացվել են բազմաթիվ նոր հնարավորություններ, այդ թվում՝ Blogger-ի հետ ինտեգրում։
- 2.0.0 (18.84 հավաքում), 2005 հունիսի 8՝ սխալների ուղղում։
- 2.1.0 (27.60 հավաքում), 2005 սեպտեմբերի 19, նոր հնարավորություններ, այդ թվում՝ բազմալեզու աջակցություն, CD ձայնագրություն, արտաքին սկավառակների աջակցության բարելավվում։
- 2.2.0 (28.20 հավաքում), 2006 հունվարի 30, ավելացվել է 25 լեզուների աջակցություն, Internet Explorer 7-ի հետ կապված սխալների շտկում։
- 2.5.0 (32.01, 0 հավաքում), 2006 հունիս, ավելացվել է Picasa Web Albums-ի աջակցությունը։
- 3.5 տարբերակից սկսած՝ ավելացվել է դեմքի ճանաչում և տեսակավորում ըստ դեմքերի։
- 3.9, նոր տարբերակը ներառում է առանձին տեղադրվող ծրագիր Google+ Auto Backup՝ Google+-ի հետ ավելի սերտ փոխգործակցության համար։
Վերջին տարբերակը 09.10.2015-ի դրությամբ 3.9.141-ն է (259 հավաքում)։
Mac OS X-ի համար
Picasa ծրագիրը Mac-ի համար հասանելի է անգլերենով։ Նաև առաջարկվում է երկու այլ գործիք (միայն անգլերեն), որոնք օգնում են Mac համակարգչի օգտագործողին iPhoto-ից կամ Mac OS կոշտ սկավառակից լուսանկարներ ուղարկել անմիջապես Picasa վեբ ալբոմներին։
- Picasa Web Albums iPhoto Exporter-ի միացված մոդուլը թույլ է տալիս ուղարկել լուսանկարներն անմիջապես iPhoto-ից։
- Picasa Web Albums Mac Uploader-ի առանձին հավելվածը հնարավորություն է տալիս Picasa վեբ-ալբոմներ ուղարկել Mac OS կոշտ սկավառակի բոլոր լուսանկարներն ու տեսագրությունները, այլ ոչ թե միայն iPhoto-ում պարունակվողները։
Linux-ի համար
2006 թվականի հունիսից Linux-ի համար տարբերակները (2.2.2820-5) հասանելի են դարձել գոյություն ունեցող բաշխումների մեծամասնության համար։ 2012 թվականի ապրիլի 20-ին Google ընկերությունը հայտարարել է Picasa-ի Linux տարբերակի հետագա մշակման դադարեցման մասին[4]։ Վերջին թողարկված տարբերակը - 3.9.141-ն է (259 հավաքում)։
Զատկի ձու
[խմբագրել | խմբագրել կոդը]Երկրորդ տարբերակից սկսած՝ ծրագիրն ունի Զատկի ձու։ Եթե Picasa-ի պատուհանում սեղմած պահվեն Ctrl+Shift+Y ստեղները, ապա էկրանին կհայտնվեն Թավշե արջուկներ[5]։
Ծանոթագրություններ
[խմբագրել | խմբագրել կոդը]- ↑ Lifescape’s Picasa aims to be your digital «shoebox». By Michael R. Tomkins, The Imaging Resource (Monday, November 18, 2002 — 15:49 EST). Published on imaging-resource.com under «Comdex Fall 2002 Show».
- ↑ «Google Picasa», Obsessable, 2009
- ↑ http://googlephotos.blogspot.ru Moving from picasa
- ↑ «Spring-cleaning … in spring!» (անգլերեն). Արխիվացված է օրիգինալից 2012 թ․ հունիսի 2-ին.
- ↑ «Picasa» (անգլերեն).