Гарнастай

Гарнастай
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Сабакападобныя Інфраатрад:  Arctoidea Парватрад:  Куніцыпадобныя Сямейства:  Куніцавыя Падсямейства:  Mustelinae Род:  Тхары Від:  Гарнастай
Міжнародная навуковая назва
Mustela erminea Linnaeus, 1758
Арэал
Ахоўны статус
Выклікаюць найменшыя асцярогі IUCN 3.1 Least Concern : / 29674
Сістэматыка на Віківідах Выявы на Вікісховішчы ITIS   180555 NCBI   36723 EOL   328587 FW   48848

Гарнастай^[1] (Mustela erminea) — млекакормячы звярок з каштоўным футрам сямейства куніцавых, атраду драпежныя. У Беларусі нешматлікі від, трапляецца ўсюды.

Гарнастай — невялікі звярок, тыповы прадстаўнік куніцавых з доўгім целам на кароткіх нагах, доўгай шыяй і трохкутнай галавой з невялікімі круглявымі вушамі. Даўжыня цела самца — 17-38 см (самкі прыкладна ўдвая драбнейшыя), даўжыня хваста складае каля 35 % ад даўжыні цела — 6-12 см; маса цела — ад 70 да 260 г. Падобны да ласіцы, але крыху большы за яе па памерах.

Афарбоўка поўсці маскіравальная: узімку чыста белая, улетку двухколерная — верх цела буравата-рыжы, ніз жаўтлява-белы. Зімовая афарбоўка характэрная для раёнаў, дзе мінімум 40 дзён у годзе ляжыць снег. Кончык хваста чорны на працягу ўсяго года. Геаграфічная зменлівасць якасці зімовага футра, афарбоўкі летняга футра і памераў цела дазваляе вылучыць каля 26 падвідаў гарнастая.