Марак Грахута

Марак Грахута
польск.: Marek Grechuta
Асноўная інфармацыя
Дата нараджэння 10 снежня 1945(1945-12-10)[1][2]
Месца нараджэння
Дата смерці 9 кастрычніка 2006(2006-10-09)[3][1][…] (60 гадоў)
Месца смерці
Месца пахавання
Краіна
Альма-матар
Музычная дзейнасць
Прафесіі кампазітар, спявак, пісьменнік, паэт, мастак
Інструменты фартэпіяна і вакал
Жанры прагрэсіўны рок, песенная паэзія, джаз-ф’южн[d] і сімфанічны рок
Грамадская дзейнасць
Член у
Узнагароды
сярэбраны крыж Заслугі камандор ордэна Адраджэння Польшчы афіцэр ордэна Адраджэння Польшчы медаль «За заслугі ў культуры Gloria Artis»
marekgrechuta.pl
Лагатып Вікісховішча Медыяфайлы на Вікісховішчы

Ма́рак Мі́хал Граху́та (польск.: Marek Michał Grechuta; 10 снежня 1945, Замасць — 9 кастрычніка 2006, Кракаў) — польскі спявак, паэт і кампазітар.

Творчасць Грахуты звычайна адносяць да лёгкай формы прагрэсіўнага року з моцным уплывам джаз-року ці аўтарскай песні.

Падчас навучання ў Кракаве ён пазнаёміўся з кампазітарам Янам Канты Паўлюськевічам, разам з якім у 1967 заснаваў студэнцкае кабарэ Anawa. У тым самым годзе Марак узяў другое месца на VI Нацыянальным студэнцкім конкурсе музыкантаў (польск.: VI Ogólnopolski Konkurs Piosenkarzy Studenckich), а таксама атрымаў узнагароду за песню Tango Anawa (бел.: Танга Анава), на свае словы і музыку Яна Паўлюськевіча. Ад 1968 ён выйграў яшчэ некалькі ўзнагародаў на Фестывалі польскай музыкі ў Аполі. У 1969 выканаў ролю другога плану ў фільме Анджэя Вайды Паляванне на мух (польск.: Polowanie na muchy). У 1971 пакінуў калектыў Anawa і заснаваў гурт «ВЕМ» (WIEM)[4]

Грахута не аднойчы запісваў песні, якія пазней рабіліся хітамі, папулярнымі ва ўсёй Польшчы. Супрацоўнічаў з кракаўскім тэатрам «СТУ Тэатр» (STU Theater). У 2003 плёнам супольнай працы Марака і папулярнага польскага гурта «Мыславіц» (Myslovitz) стаў новы запіс іх даўняй песні Kraków (бел.: Кракаў). Футбольны клуб «Карона» (Кельцы) выкарыстоўвае песню Марака Dni których nie znamy (бел.: Дні, якіх не ведаем) у якасці змагарнага гімну спартсменаў.

Марак Грахута вучыўся на архітэктара ў Кракаўскім тэхналагічным універсітэце. Цікавіўся скульптурай і філасофіяй. Жонка Данута (у шлюбе з 1967), сын Лукаш.

Быў пахаваны на Раковіцкіх могілках у Кракаве.

Дыскаграфія

[правіць | правіць зыходнік]
  • Marek Grechuta & Anawa (бел.: Марак Грахута энд Анава) (1970)
  • Korowód (бел.: Карагод) (1971)
  • Droga za widnokres (бел.: Шлях за далягляд) (1972)
  • Magia obłoków (бел.: Магія аблокаў) (1974)
  • Szalona lokomotywa (бел.: Шалёны лакаматыў) (1977)
  • Pieśni Marka Grechuty do słów Tadeusza Nowaka (бел.: Песні Марка Грахуты на словы Тадэуша Новака) (1979)
  • Wesele (бел.: Вяселле) (1980)
  • Śpiewające obrazy (бел.: Малюнкі, што спяваюць) (1981)
  • W malinowym chruśniaku (бел.: У малінавым кустоўі) (1984)
  • Wiosna — ach to ty (бел.: Ах, вось ты, вясна) (1987)
  • Krajobraz pełen nadziei (бел.: Краявід, поўны надзеі) (1989)
  • Ocalić od zapomnienia (бел.: Абараніць ад забыцця) (1990)
  • Piosenki dla dzieci i rodziców (бел.: Песні для дзяцей і бацькоў) (1991)
  • Dziesięć ważnych słów (бел.: Дзесяць важных слоў) (1994)
  • Niezwykłe miejsca (бел.: Нязвыклыя месцы) (2003)

Зноскі

  1. ↑ а б Marek Grechuta // Internetowy Polski Słownik Biograficzny
  2. ↑ Marek Grechuta // e-teatr.pl — 2004.
  3. ↑ https://web.archive.org/web/20061023102209/http://wiadomosci.onet.pl:80/1415392,11,item.html
  4. ↑ польск.: W Innej Epoce Muzycznej, а літаральна — «ведаю», бел.: У іншай музычнай эпосе.
Узята з "https://be.wikipedia.org/wiki/Марак_Грахута"