Марына Лінчук

Марына Лінчук
Род дзейнасці	мадэль
Дата нараджэння	4 верасня 1987(1987-09-04) (37 гадоў)
Месца нараджэння	Мінск, БССР, СССР
Грамадзянства	Беларусь
Медыяфайлы на Вікісховішчы

Мары́на Лінчу́к (4 верасня 1987, Мінск) — беларуская топ-мадэль, актрыса^[1].

У 15 гадоў Марына прыехала з Мінска ў Маскву, дзе пазнаёмілася з прадстаўніком агенцтва IQ Models. Упершыню дзяўчына выйшла на подыум на паказе NinaDonis.

Лінчук стала абліччам рэкламных кампаній Benetton, DSquared, Escada, Versace, Donna Karan, Dior, Gap, Kenneth Cole, Max Mara і шматлікіх іншых. Здымалася для амерыканскага, італьянскага, партугальскага і расійскага Vogue. У 2008 годзе яна з’явілася на Victoria’s Secret Fashion Show.

У 2008 годзе мадэль была адзначаная адразу некалькімі сусветнымі фэшн-брэндамі. Спачатку яна з’явілася ў рэкламе Dolce&Gabbana, дзе разам з Кэтрын Макніл склала кампанію Клаўдзіі Шыфер.

Карпарацыя Gap залічыла Марыну Лінчук у касту знакамітасцей-ідалаў. У восеньскай рэкламе гэтага брэнда сярод «ідалаў» таксама апынуліся актрыса Ліў Тайлер, дачка рэдактара французскага Vogue — Джулія Рэстуан-Ройтфельд і іншыя знакамітасці.

Разам з Мэт Гордан і Валерыяй Гарсія, Лінчук з’яўляецца адным з абліччаў Escada Moon Sparkle пад псеўданімам Сімона.^[2] Яна таксама аблічча Восень/Зіма 2008 Miss Dior Cherie.

Марына — вегетарыянка, займаецца ёгай.

• На Вікісховішчы ёсць медыяфайлы па тэме Марына Лінчук
• Салідарнасць, Супермодель из Минска потеснила Жизель Бундхен (руск.)
• Maryna Linchuk: FashionModelDirectory.com (англ.). Праверана 28 студзеня 2010.
• Maryna Linchuk: Models.com (англ.). Праверана 28 студзеня 2010.