Медаль «За выратаванне тапельцаў»

Медаль «За выратаванне тапельцаў»
Медаль «За выратаванне тапельцаў»
	Медаль «За спасение утопающих»
Арыгінальная назва	Медаль «За спасение утопающих»
Краіна	СССР; Расія
Тып	медаль
Дата заснавання	16 лютага 1957
Статус	не ўручаецца
Статыстыка ўзнагароджанняў
Апошняе	СССР: 20 мая 1991; Расія: да 1995 года
Колькасць	каля 24 тыс.
Характарыстыкі
Памеры	дыяметр — 32 мм
Чарговасць узнагарод
Старэйшая	Медаль «За адвагу на пажары»
Малодшая	Медаль «За абарону Ленінграда»
	Медыяфайлы на Вікісховішчы

Меда́ль «За выратава́нне тапе́льцаў» — дзяржаўная ўзнагарода СССР і Расійскай Федэрацыі.

Заснаваны Указам Прэзідыума Вярхоўнага Савета СССР ад 16 лютага 1957 года. Аўтар малюнка — мастак А. Ф. Шабалкоў.

Статут медаля

Медалём узнагароджваліся работнікі выратавальнай службы і іншыя грамадзяне СССР, а таксама асобы, якія не з'яўляюцца грамадзянамі СССР, за:

смеласць і самаадданасць, праяўленыя пры выратаванні людзей на вадзе;
за высокую пільнасць і знаходлівасць, у выніку чаго былі папярэджаны няшчасныя выпадкі з людзьмі на вадзе;
за ўзорную арганізацыю выратавальнай службы на вадзе.

Медаль «За выратаванне тапельцаў» носіцца на левым баку грудзей і пры наяўнасці іншых медалёў СССР размяшчаецца пасля медаля «За адвагу на пажары».

Узнагароджанне адбывалася на падставе Указа Прэзідыума Вярхоўнага Савета СССР і ад імя Прэзідыума Вярхоўнага Савета СССР.

Палажэнне аб медалю змянялася ў 1967 і 1980 гадах.

Апісанне медаля

Медаль «За выратаванне тапельцаў» круглая, дыяметрам 32 мм, вырабляецца з латуні з ужываннем аксідзіравання.

На аверсе медаля змешчана выява выратавальніка падчас буксіроўкі тапельца ў вадзе. Уздоўж верхняга краю медаля — надпіс «За спасение», у ніжняй частцы медаля — «утопающих».

На рэверсе медаля намаляваны серп і молат, ніжэй якіх — лаўровая галінка і надпіс «СССР». Медаль з абодвух бакоў акантаваны выпуклым борцікам.

У верхняй частцы медаля маецца вушка, якім медаль пры дапамозе кольца злучана з металічнай пяцівугольнай калодкай. З адваротнага боку калодкі — прыстасаванне для мацавання медаля да адзежы. Калодка пакрыта шаўковай муаравай стужкай сіняга колеру з трыма па краях і адной пасярэдзіне падоўжнымі белымі палоскамі. Агульная шырыня стужкі 24 мм.

Постсавецкая гісторыя медалі

Апошняе ўзнагароджанне медалём у СССР адбылося 20 мая 1991 года.

У адпаведнасці з Указам Прэзідыума Вярхоўнага савета Расійскай Федэрацыі ад 2 сакавіка 1992 года № 2424-1 медаль былога СССР, з аналагічнай назвай, застаўся ва ўзнагароднай сістэме Расіі^[2]. Надпіс на рэверсе «СССР» была заменена на надпіс «РОССИЯ».

Узнагароджанні дадзеным медалём у Расійскай Федэрацыі ажыццяўлялася з 1992 па 1994 год. Было зроблена некалькі ўзнагароджанняў^[3].

У адпаведнасці з Указам Прэзідэнта Расійскай Федэрацыі ад 2 сакавіка 1994 года № 442 медаль адсутнічае ў сістэме дзяржаўных узнагарод Расіі^[4], замест савецкага медаля быў уведзены расійскі медаль «За выратаванне гінучых».

Зноскі

Літаратура

Володин А. Н., Мерлай Н. М. Медали СССР. — СПб.: Печатный двор, 1997. — С. 166—167. — ISBN 5-7062-0111-0.
Колесников Г. А., Рожков А. М. Ордена и медали СССР. — Мн.: Народная асвета, 1986. — С. 72—73.

[mondvor-1] Медаль «За спасение утопающих»

[2] Государственные награды России: Нормативные правовые акты Архівавана 11 сакавіка 2012.

[3] Награды Российской Федерации переходного периода 1992-1994 гг.

[4] Государственные награды России: Нормативные правовые акты Архівавана 21 красавіка 2008.

[1]

[2]

[3]

[4]