Фукідыд

Фукідыд
стар.-грэч.: Θουκυδίδης
Дата нараджэння	460-я да н.э.
Месца нараджэння	Алімас[d], Паўднёвыя Афіны[d], Атыка[d], Грэцыя[1]
Дата смерці	395 да н.э.
Месца смерці	Афіны, Старажытныя Афіны
Грамадзянства	Старажытныя Афіны[2]
Бацька	Oloroso[d]
Род дзейнасці	гісторык, пісьменнік
Навуковая сфера	гісторыя Старажытнай Грэцыі[d]
Медыяфайлы на Вікісховішчы

Фукідыд (грэч. Θουκυδίδης; ~460 да н.э. — пасля 404 да н.э.) — старажытнагрэчаскі гісторык. Паходзіў з фракійскага арыстакратычнага роду. Грамадзянін Афін. Прыхільнік Перыкла.

У 424 да н.э. з-за няўдалага камандавання ў Пелапанескай вайне (431 да н.э. — 404 да н.э.) быў асуджаны на выгнанне, дзе працаваў над стварэннем гісторыі вайны ў 8 кнігах, даведзенай да 411 да н.э.. Паводле самога Фукідыда, яго «Гісторыя» мае на мэце даць наступным пакаленням ключ для разумення будучых падзей, якія паўтараюць мінулае з-за нязменнасці быцця. Асноўнымі метадамі Фукідыда былі аб'ектыўнасць і крытычнае супастаўленне крыніц. Паводле Фукідыда, прычынай вайны было імкненне Афін і Спарты да гегемоніі ў Грэцыі. Ход вайны акрамя палітычных і эканамічных фактараў ускладнялі непадкантрольныя чалавеку абставіны, нерацыянальнасць масавай псіхалогіі і непрамое боскае ўмяшальніцтва. Тым не менш, Фукідыд прызнаваў здольнасць выдатных асоб (Перыкл, Брасід і іншых) уплываць на падзеі. Абгрунтаванасць канцэпцыі і аб'ектыўнасць дазваляюць лічыць Фукідыда адным з найвялікшых гісторыкаў антычнасці.

• Фукидид История — М.: 1999;
• Стратановский Г. А. Фукидид и его история (послесловие к пред. кн.);
• Лурье С. Я. Очерки по истории античной науки. Греция эпохи расцвета - М.; - Л.: 1947;
• Мищенко Ф. Г. Фукидид и его сочинения - М.: 1888.

• На Вікісховішчы ёсць медыяфайлы па тэме Фукідыд