Эшэр Браўн Дзьюранд

Эшэр Браўн Дзьюранд
англ.: Asher Durand
Дата нараджэння	21 жніўня 1796(1796-08-21)[1][2][…]
Месца нараджэння	Maplewood[d], акруга Эсекс[d], Нью-Джэрсі, ЗША
Дата смерці	17 верасня 1886(1886-09-17)[3][4][…] (90 гадоў)
Месца смерці	Maplewood[d], акруга Эсекс[d], Нью-Джэрсі, ЗША
Месца пахавання	Грын-Вуд[d]
Грамадзянства	ЗША
Жонка	Mary Frank Durand[d]
Дзеці	Lucy Maria Durand Woodman[d]
Род дзейнасці	мастак, гравёр, фатограф
Жанр	пейзаж
Мастацкі кірунак	Hudson River school[d]
Член у	Century Association[d] Century Association[d][5]
Подпіс
Медыяфайлы на Вікісховішчы

Эшэр Браўн Дзьюранд (таксама Дзюран, англ.: Asher Brown Durand; 21 жніўня 1796, Мэйплвуд, Нью-Джэрсі — 17 верасня 1886, Мэйплвуд) — амерыканскі мастак, графік і ілюстратар.

Эшэр Дзьюранд быў першым амерыканскім мастаком, які пісаў пейзажы на прыродзе. Брат гравёра Сайруса Дзьюранда (1787—1868), а таксама ювеліра і гравёра Джона Дзьюранда (1792—1820). Нарадзіўся ў сям’і гадзіншчыка і сярэбраных спраў майстра, восьмым з 11 дзяцей у сям’і.

У 1812—1817 гадах вучыўся на гравёра. У 1823 годзе выгравіраваў Дэкларацыю Незалежнасці па карціне Джона Трамбала, што стварыла яму рэпутацыю аднаго з найталенавітых гравёраў краіны. Э. Дзьюранд быў адным з заснавальнікаў нью-ёркскай Нацыянальнай Акадэміі Дызайну ў 1825 годзе, быў прэзідэнтам гэтай Акадэміі ў 1845—1861 гадах. Як мастак Дзюран спачатку больш цікавіўся графікай, затым — прыблізна з 1830 года — алейным жывапісам. У 1837 годзе ён, у суправаджэнні свайго сябра, Томаса Коўла, здзяйсняе падарожжа па Анірандацкіх гарах, пасля чаго пачынаецца захапленне Дзьюранда пейзажам. Штогод летам ён адпраўляецца на эскізы ў Анірандак, Кэтскілс або нью-хэмпшырскія Уайт-Маўцінс, адкуль прывозіць сотні накідаў алоўкам і алейнай фарбай. Гэтыя працы пазней былі аднесены да так званай Школы ракі Гудзон.

У маі 2005 года на аўкцыёне ў Нью-Ёрку за палатно Э. Б. Дзьюранда «Роднасныя душы», напісанае ў 1849 годзе, у памяць пра Томаса Коўла, які памёр год таму, было выплачана каля 35 мільёнаў долараў. У 2007 годзе ў Бруклінскім музеі адбылася выстава работ мастака, на якой былі прадстаўлены больш за 60 яго палотнаў.