Egretoj

Egretoj
Blankavizaĝa egreto, Egretta novaehollandiae
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Pelikanoformaj Pelecaniformes Familio: Ardeedoj Ardeidae Subfamilio: Ardeenoj Genro: Egretta
Aliaj Vikimediaj projektoj
Sistematiko en Vikispecioj
Komunejo pri Egretoj
v • d • r

Egretoj aŭ Egretta estas genro de mezgrandaj ardeoj, ĉefe reproduktantaj en pli varmaj klimatoj. Reprezentantoj de tiu familio troviĝantas en plej partoj de la mondo, kaj la Malgranda egreto, same kiel ĝi disvastiĝis tra multe de la Malnova Mondo, ĵus ekstartis nun koloniigi Amerikon.

Tiuj estas tipaj egretoj laŭ formo, longkolaj kaj longkruraj. Estas malmultaj plumarkarakteroj komune, kvankam kelkaj havas plumojn en reprodukta plumaro; nombraj specioj estas ĉu blankaj en ĉiuj plumaroj, ĉu havas blankan morfon (ekz. la Ruĝeca egreto), aŭ havas blankan junulan plumaron (Blua egreto).

La reprodukta habitato de la ardeoj de Egretta estas marĉaj humidejoj de varmaj landoj. Ili nestumas en kolonioj, ofte kun aliaj vadbirdoj, kutime sur platformoj el bastonetoj en arboj aŭ arbustoj.

Tiuj ardeoj manĝas insektojn, fiŝojn kaj amfibiojn, kaptata normale per pacienca starada gvatado.

Same kiel ĉe aliaj ardeaj grupigoj, la taksonomio de tiuj birdoj estis fonto de disputado. Kelkaj el tiuj specioj estis lokitaj kun la grandaj ardeoj en Ardea, kaj inverse la grandaj blankaj specioj kiaj la Granda egretardeo estas foje lokitaj en Egretta.

La fakto ke kelkaj specioj el tiu grupo estas nomataj kiel “ardeoj” kaj kelkaj kiel “egretoj” (aŭ eĉ egretardeoj) ne havas taksonomian gravon.

• Malgranda egreto, Egretta garzetta aŭ Ardea garzetta
• Blanka egreto, Egretta thula
• Ruĝeca egreto, Egretta rufescens
• Ruĝgorĝa egreto, Egretta vinaceigula
• Nigra egreto, Egretta ardesiaca
• Trikolora egreto, Egretta tricolor konata ankaŭ kiel Luiziana ardeo
• Blankavizaĝa egreto, Egretta novaehollandiae aŭ Ardea novaehollandiae
• Blua egreto, Egretta caerulea
• Rifegreto, Egretta sacra aŭ Ardea sacra, konata ankaŭ kiel Pacifika rifegreto aŭ Orienta rifegreto
• Okcidenta rifegreto, Egretta gularis
• Duforma egreto, Egretta dimorpha
• Ĉina egreto, Egretta eulophotes

Specioj el fosilioj, nome Egretta subfluvia, estas konata el fina Mioceno aŭ komenca Plioceno de Florido.

Portalo pri Birdoj