Internacia Tenisa Federacio
| Internacia Tenisa Federacio | ||
|---|---|---|
| International Tennis Federation ITF | ||
 | ||
| internacia sporta federacio tennis association (en)   | ||
| Komenco | 1-a de marto de 1913 | |
| Geografia situo | 51° 27′ 32″ N, 0° 15′ 19″ U (mapo)51.458888888889-0.25527777777779Koordinatoj: 51° 27′ 32″ N, 0° 15′ 19″ U (mapo) | |
| Sidejo | Bank Lane, Roehampton, SW15 5XZ Londono  Britio | |
| ||
 Internacia Tenisa Federacio | ||
| Tipo | sporto (teniso) | |
| Estr(ar)o | Francesco Ricci Bitti | |
| Posedatoj | ITF website (en) FedCup website (en) vd | |
| Retejo | http://www.itftennis.com/ | |
| @ITF_Tennis | ||
La Internacia Tenisa Federacio (angle International Tennis Federation, mallongigata kiel ITF, france Fédération internationale de tennis, hispane Federación Internacional de Tenis, ruse Международная федерация тенниса) estas la tutmonda organizaĵo pri teniso. En ĝi membras 205 naciaj organizaĵoj pri tiu sporta fako.
La asocio fondiĝis la 1-an de marto de 1913 en Parizo, Francio. Komence ĝi havis la anglan nomon "International Lawn Tennis Federation" (ILTF, "Internacia Federacio pri Herbeja Teniso". Ĉar tamen dum la 20-a jarcento daŭre pli kaj pli graviĝis aliaj fundomaterialoj de tenisejo ol la tradicia herbeja fundo, en la jaro 1977, kiam ankaŭ la Usona Malferma Turniro pri Teniso (US Open) ŝanĝis sian tenisejan fundon de herbejo al solidaĵo, la vorto „Lawn“ (por "herbejo") estis forstrekita el la nomo. Ĝia sidejo nun troviĝas en Londono Britio.[1]
La organizaĵo ĉiujare organizas la kvar turnirojn de la Granda Ŝlemo: la Aŭstralian, Francian kaj Usonan Malfermajn Turnirojn, kaj la Britan Malferman Turniron Wimbledon). Krome la federacio estas organizanto de la tutmondaj teamaj turniroj Davisa Pokalo (Davis Cup), Federacia Pokalo (Fed Cup) kaj Hopman-Pokalo (Hopman Cup), de la tenisaj konkursoj en la Someraj Olimpikoj kaj de junularaj turniroj. La turniroj nur por profesiaj tenisistoj organiziĝas por viraj tenisistoj fare de la Asocio de Tenisaj Profesiuloj (Association of Tennis Professionals, ATP) kaj por virinaj tenisistoj fare de la Virina Tenisa Asocio (Women’s Tennis Association, WTA). Escepto estas la pokala turniro Finalo de la ATP-Mondturneo, kiu ekde la jaro 1990 (ekde la jaro 2009 je la nuna nomo) organiziĝas komune de la organizaĵoj ATP kaj ITF.
Notoj kaj referencoj
[redakti | redakti fonton]- ↑ International Tennis Federation (angle). The International Olympic Comittee. Alirita 9-a de marto 2014.
Eksteraj ligiloj
[redakti | redakti fonton]
| ||||||||