Reta Vortaro

Ĉi tiu artikolo temas pri la vortaro nomata "Reta Vortaro". Por informoj pri aliaj esperantaj vortaroj, vidu la artikolon Esperantaj vortaroj en la reto.

Reta Vortaro
retejo • retvortaro • vortaro de Esperanto • plurlingva vortaro • libera programaro
Priskribo	nekomerca reta vortaro de Esperanto, teknike iniciatita de Wolfram Diestel
Retadreso	reta-vortaro.de/revo
Lingvo(j)	Esperanto
Registriĝo	nur por redakti
Fondiĝo	fine de 1997
Stato	aktiva
v • d • r

Reta Vortaro (ReVo) estas ĝenerala esperanta vortaro en Interreto.

Ĝi havas kaj esperantlingvajn difinojn de la kapvortoj, kaj nacilingvajn tradukojn, krome aldonajn informojn kiel ekzemplajn frazojn, bildojn. Krom la lingvaj indeksoj ĝi havas ankaŭ fakajn indeksojn kaj tezaŭron.

La projekto estas iniciatita fine de 1997, teknike fare de Wolfram Diestel. Origina celo estis krei la rimedojn por elektronika versio de PIV, sed pro mankanta intereso de multaj el la redaktantaro de PIV, la projekto ŝanĝis la celon al kreado de aparta interrete uzebla vortaro. Unu el ĝiaj gravaj fontoj estas Plena Vortaro de Esperanto. La retpoŝta redaktado ekfunkcias fine de 1999.

La redaktado okazas per perreta redaktilo aŭ per retpoŝta sendo. Oni devas registriĝi ĉe la administrantoj por redaktado. La artikoloj estas formulitaj en propra XML. La diskutado inter redaktantoj kaj interesatoj okazas en dissendolisto. La enhavo kaj la iloj estas akireblaj laŭ GPLpermeso.

PIV kaj Revo havas komunan historian bazon en la materialo de Plena Vortaro de Esperanto. Tamen la evoluigo okazis laŭ malsamaj vojoj. Dum PIV provas doni senmankan ĝeneralan vortaron per enpreno de terminaroj kaj proponoj, Revo prefere registras la uzatan lingvon. Ĝi postulas, ke redaktantoj donu almenaŭ du fontojn por nova vorto, el kiu almenaŭ unu ne estu vortaro. Alivorte, dum PIV certagrade celas preskribon de la lingvouzado, Revo pli orientiĝas al ĝia priskribo.

Je 2004-02-17, ReVo entenis la sekvajn:

• Kapvortoj: artikoloj: 8473 , derivaĵoj: 17825, sencoj: 23457, bildoj: 224
• Tradukoj: rusaj: 25878, germanaj: 23891, francaj: 19643, nederlandaj: 15500, hungaraj: 14713, belorusaj: 12643, anglaj: 11138...
• Fakvortoj: matematiko: 1222, botaniko: 765, zoologio: 736, ekonomiko, financo, komerco: 584, medicino, farmacio: 441, komputiko: 387...

Je 2006-02-17:

• Kapvortoj: artikoloj: 9147, derivaĵoj: 20366, sencoj: 25993
• Tradukoj: rusaj: 30875, hungaraj: 30489, francaj: 28681...
• Fakvortoj: matematiko: 1235, botaniko: 834, zoologio: 802...

Je 2007-02-17:

• Kapvortoj: artikoloj: 9533, derivaĵoj: 21189, sencoj: 27124
• Tradukoj: rusaj: 31228, hungaraj: 30931, francaj: 29867...
• Fakvortoj: matematiko: 1222, botaniko: 856, zoologio: 822...

Je 2010-01-27:

• Kapvortoj: artikoloj: 10242, derivaĵoj: 22979, sencoj: 29124
• Tradukoj: francaj: 31932, hungaraj: 31916, rusaj: 31765...
• Fakvortoj: matematiko: 1238, botaniko: 918, zoologio: 886...

Je 2013-02-20:

• Kapvortoj: artikoloj: 10800, derivaĵoj: 24495, sencoj: 30746
• Tradukoj: francaj: 34199, rusaj: 32136, hungaraj: 32113...
• Fakvortoj: matematiko: 1240, zoologio: 1057, botaniko: 947...

Je 2014-03-07:

• Kapvortoj: artikoloj: 11103, derivaĵoj: 25384, sencoj: 31698
• Tradukoj: francaj: 35998, rusaj: 32307, hungaraj: 32159...
• Fakvortoj: matematiko: 1259, zoologio: 1074, botaniko: 983...

Je 2015-02-11:

• Kapvortoj: artikoloj: 11369, derivaĵoj: 26275, sencoj: 32640
• Tradukoj: francaj: 38249, rusaj: 32468, hungaraj: 32168...
• Fakvortoj: matematiko: 1261, zoologio: 1078, botaniko: 997...

Je 2018-02-28:

• Kapvortoj: artikoloj: 11728, derivaĵoj: 27629, sencoj: 34138
• Tradukoj: francaj: 40562, rusaj: 32752, hungaraj: 32260...
• Fakvortoj: matematiko: 1263, zoologio: 1104, botaniko: 1018...

Je 2019-03-29:

• Kapvortoj: artikoloj: 11752, derivaĵoj: 27968, sencoj: 34627
• Tradukoj: francaj: 40830, germanaj: 33688, rusaj: 32718...
• Fakvortoj: matematiko: 1289, zoologio: 1104, botaniko: 1021...

Je 2021-02-21

• Kapvortoj: artikoloj: 12277, derivaĵoj: 29026, sencoj: 35904
• Tradukoj: francaj: 41836, germanaj: 37359, rusaj: 32861...
• Fakvortoj: geografio: 1311, matematiko: 1290, zoologio: 1109...

• Kiel ligi al ReVo el Vikipedio
• PReVo ("portebla ReVo"), saĝtelefona aplikaĵo por Reta Vortaro

• Reta Vortaro
• Android-versio (funkcias sen retkonekto)
• iOS-versio (funkcias sen retkonekto)
• Projekto ĉe Github
• Historia priskribo de la projekto