Archippus Perttunen

Archippus Perttunen

Res apud Vicidata repertae:

Nativitas: 1769, 1754; Ladvozero
Obitus: 7 Decembris 1841; Ladvozero
Patria: Imperium Russicum

Familia

Proles: Miihkali Perttunen

Archippus Ioannis filius Perttunen (Carelice Arhippa Perttunen, Russice Архип Иванович Перттунен), circa annum 1769 in vico Ladvozero districtus Kemiensis gubernii Archangelopolitani natus et anno 1841 ibidem mortuus, fuit rhapsodus Carelicus praeclarus, qui maiorem partem Kalevalae cantuum Eliae Lönnrot cantavit.

Agricola Carelicus, a familiaribus plus quam mille runas epicas et lyricas didicit et cantavit. Anno 1834 Lönnrot eum visitavit et cantus multos, sed non omnes, perscripsit. In Kalevala a Lönnrot refecta in cantibus Perttunen multae res mutatae sunt. Annis 1836 et 1839 Ioannes Cajan^(fi) et Matthias Alexander Castrén Archippum visitaverunt ut runas colligerent. Filius Archippi Michael (1817—1899), nepotes et eorum liberi etiam carmina Carelica epica cantabant.

• De Archippo Perttunen in Encyclopaedia litterarum brevi (Russice)
• Cantus Archippi Perttunen (Finnice)
• Сantuum selectorum versio Russica, a Victore Evseev edita, Petri Fabricae 1948 (Russice)