Lentia

Lentia

Res apud Vicidata repertae:

Civitas: Austria
Locus: 48°18′21″N 14°17′11″E
Numerus incolarum: 210 165
Zona horaria: UTC+1, UTC+1
Situs interretialis

Gestio

Praefectus: Klaus Luger
Procuratio superior: Austria Superior

Geographia

Superficies: 95.99 chiliometrum quadratum
Territoria finitima: Altenberg bei Linz, Engerwitzdorf, Steyregg, Luftenberg an der Donau, Asten, Sankt Florian, Ansfelden, Traun, Leonding, Puchenau, Gramastetten, Lichtenberg, Perg District, Linz-Land District, Urfahr-Umgebung District

Coniunctiones urbium

Urbes gemellae: Carolaeburgum-Wilmersdorfium, Budovicium, Chengdu, Tacape, Salinae Saxonicae, Kansanopolis, Gwangyang, Linköping Municipality, Linz am Rhein, Mutina, Albufeira, Corona, Novogardia Inferior, Norrköping Municipality, San Carlos, Zaporizhia, Tammerforsia, Dorylaeum, Goritia, Dunaújváros, Tuzla, Nasushiobara, Dodoma, Monterrey

Tabula aut despectus

Lentia^[1][2] seu Lentium^[3] seu Aredata seu Aredatum^[4] (Theodisce: Linz) est urbs in Austria ad Danubium flumen sita et caput provinciae Austriae Superioris. Post Vindobonam et Graeciam numero incolarum tertium locum inter urbes Austriacas tenet. Anno 2009 Lentia una cum Vilna titulum capitis culturalis Europae tulit. Ex 2014 Lentia pars coniunctionis urbium creatorum UNESCO est.

Iam quarto saeculo a.C.n., compluria oppida Celtica in ea regione, quam Lentia hodierna occupat, sive in collibus sive in utraque Danubii ripa exstiterunt, quorum unum in monte Freinberg vocato situm Celtarum lingua Lentos ('flexibilis, incurvatus') appellatum esse videtur, quod nomen in posteriora castra Romana translatum est.

Lentia pars Imperii Romani erat. Inter annos 166 et 180, dum bellum Marcomannicum geritur, Marco Aurelio imperatore castra posita sunt. Quorum fit mentio in Notitia Dignitatum (circiter 420) sub nomine Lentia. Oppidum quamvis compluries a Germanis deletum, tamen in Medium Aevum permanebat et ab saeculo octavo, cum Tassilone III duce in dicionem ducatus Bavariae venisset, denuo florescebat.

Anno 799, nomen vernaculum Linze primum litteris apparet, anno 806 Lentia mercatus dicta est, sub annum 1240 urbi praetor et sigillum urbanum tributa sunt. Cum urbs illo tempore in confinibus ducatus Austriae sita esset, portorium exigebatur, quo incrementum civitatis magnopere augebatur, cuius rei testimonio est novum forum anno 1230 creatum. Inter annos 1489 et 1493 Friderico III imperatore Lentia caput Sacri Imperii Romani erat.

Novis temporibus industria Lentiam venit. Hodie Lentia ab urbe industriae in urbem culturae mutatur.

Ad 1600, maxima Lentiae pars incolarum confessioni Augustanae addicta, ecclesia autem Catholica paene exstincta erat. Post Reformationem Catholicam, initio saeculi decimi septimi habitam usque ad hodiernum diem, maior civium pars sunt Catholici Romani. Lentia etiam est sedes episcopalis Ecclesiae Catholicae Romanae, nomine Dioecesis Linciensis. Praesens Episcopus Ludovicus Schwarz^[5] anno 2005 nominatus est. Lentia multas ecclesias magnificas habet. Ecclesia Cathedralis Nova^[6] principio saeculi vicesimi aedificata maxima Austriae ecclesiarum est.

Aliae ecclesiae praeclarae:

• Ecclesia parochialis urbis (Theodisce: Stadtpfarrkirche)
• Ecclesia cathedralis antiqua (ecclesia Iesuitarum)
• Ecclesia Ordinis Sanctae Ursulae
• Ecclesia tituli "basilica minor" in monte Pöstlingberg (Basilica peregrinationis ad Mariam dolorosam)
• Ecclesia Sancti Martini (quae est antiquissima ecclesia urbis tempore Caroli Magni fundata).

Schola episcopalis (antea "seminarium minus") nomine Collegium Petrinum anno 1897 condita est.

• Aedificia fori et aedificia centri historici.
• Castellum: Prima mentio facta est anno 799; saeculo quinto decimo, sedes imperatoris Friderici III erat. Ex anno 1966, hospitio museo historico-ethnographico praebet.
• Lentos: Aedificium notandae architecturae modernae ad Danubium situm cum pinacotheca arti recenti destinata.
• Centrum artis electronicae: Aedificium notandae architecturae modernae ad Danubium situm cum museo artis mediae electronicae.
• Brucknerhaus: Domus musicae arti dedicata, quae nomen a compositore Antonio Bruckner trahit.
• Novum theatrum variis musicae spectaculis dedicatum et anno 2013 apertum.

• 
  Forum.
• 
  Centrum historicum.
• 
  Ecclesia Cathedralis Nova.
• 
  Brucknerhaus.
• 
  Danubius et Lentos.
• 
  Pöstlingberg.

Quattuor universitates Lentiae sitae sunt:

• Universitas Kepleriana (Theodisce: Johannes-Kepler-Universität): magis quam LX studia, in rebus medicina, scientia naturalis et technicae, iurisprudentia, oeconomia et sociologia
• Universitas theologica Catholica
• Universitas artis musicae nomine Anton-Bruckner-Universität
• Universitas artium visualium

Lustenau, urbana Lentiae regio, usque ad annum 1873 liberum municipium erat.

• Helimutus Marx (1915 - 2002) sculptor
• Valie Export: Artifex mediorum, nata die 17 Maii 1940 Lentiae.
• Christina Stürmer (*1982), cantrix

• Adalbertus Stifter: Scriptor, pictor, paedagogus; natus 23 Octobris 1805 Planae de Monte Vitconis (Bohemia), mortuus 28 Ianuarii 1868 Lentiae.

• Iohannes Keplerus: Astronomus, natus 27 Decembris 1571 in Weil der Stadt, mortuus 15 Novembris 1630 Ratisbonae, qui multos annos Lentiae vitam agebat.
• Antonius Bruckner: Compositor; natus die 4 Septembris 1824 in vico Ansfelden nuncupato et Lentiae finito, mortuus Vindobonae die 11 Octobris 1896.

• Salinae Saxonicae (Germania), ab 1975

• Tacapae (Tunisia) ab 1977
• Zaporizhia (Ucraina), ab 1983
• Cemtu (Res Publica Popularis Sinarum), ab 1984
• Budovicium (Cechia), ab 1987
• Linz (ad Rhenum, Germania), ab 1987
• Fanum Sancti Caroli (Nicaragua), ab 1988
• Kansiopolis (Kansia) (Civitates Foederatae Americae), ab 1988
• Gwangyang (Respublica Coreana), ab 1991
• Mutina (Italia), ab 1992
• Novogardia Inferior (Russia), ab 1993
• Berolinum-Carolaeburgum-Vilmersdorfium (Germania), ab 1995
• Lincopia (Suecia), ab 1995
• Norcopia (Suecia), ab 1995
• Tammerforsia (Finnia), ab 1995
• Albufeira (Lusitania), ab 2008
• Corona, Romania, ab 2012

• 1469 Linzia

Vicimedia Communia plura habent quae ad Lentiam spectant.

• http://www.linz.at
• http://www.dioezese-linz.at
• http://www.petrinum.at
• 360° Foto Linz

Haec stipula ad urbem spectat. Amplifica, si potes!

Formula:Lentiae regiones

Urbes Austriae

Anisia · Brigantium · Campitemplum · Cetium · Clagenfurtum · Comagenis · Ferreum Castrum · Graecia · Lentia · Ovilava · Pons Aeni · Salisburgum · Veldidena · Vindobona