அனுராதா

அனுராதா (Anuradha) என்று திரையுலகு பெயரைக் கொண்ட சுலோச்சனா ஓர் இந்திய திரைப்பட மற்றும் தமிழ் தொலைக்காட்சி நடிகை ஆவார். இவர் முக்கியமாக 1980 கள் மற்றும் 1990 களில் தீவிரமாக நடித்து வந்தார். இவர் குறிப்பாக கவர்ச்சி நடனங்களில் ஆடியதற்கு பெயர் பெற்றவர். இவர் தமிழ், கன்னடம், மலையாளம், தெலுங்கு, இந்தி, ஒடியா- மொழி படங்களில் நடித்துள்ளார்.

சுலோச்சனாவை 13 வயதில் இயக்குனர் கே. ஜி. ஜார்ஜ் திரையுலகில் அறிமுகப்படுத்தினார். அந்த வயதில் கூட இவர் மிகவும் உயரமாக இருந்தார். அவர் இவருக்கு அனுராதா என்ற பெயரைக் கொடுத்தார். அந்த நேரத்தில் இவர் மிக உயரமான நடிகையாக இருந்தார். சிவப்பு மல்லி படத்தில் கதாநாயகியாக தமிழில் தெரியவந்தார். இவர் ஒரு கதாநாயகியாக நடிக்கத் தொடங்கினார், சுமார் 30 படங்களுக்கு மேல் முக்கிய கதாபாத்திரங்களில் நடித்தார். ஆனால் இந்தப்படங்களில் பெருமாலாலானவை வெற்றியை ஈட்டவில்லை. பின்னர் கவர்ச்சி நடனமாடத் தொடங்கினார். அனுராதா 700 க்கும் மேற்பட்ட படங்களில் நடித்தார். இவரது அவரது சக நடிகர்கள், நாயகர்களில் பெரும்பாலோர் இவரை விட மிகக் குறைவாக உயரம் கொண்டவர்களாக இருந்தபோதும் இவர் இத்ததைனப் படங்களில் நடித்தது ஒரு பெரிய சாதனையாகும். இவர் தற்காப்புக் கலைகளில் பயிற்சிபெற்றவர். மேலும் இவர் தனது சண்டைக் காட்சிகளில் எந்தவிதமான மாற்று நடிகரையும் வைக்காமல் இவரே நடித்துள்ளார். இவர் இருசக்கர மோட்டார் வாகனம் ஓட்டுவதில் திறமை பெற்றவர், ஜாவா, என்ஃபீல்ட் புல்லட் மற்றும் பிற மோட்டார் வணிடிகளை ஓட்டியவர்.

இவர் நடன இயக்குநரான கிருஷ்ணா குமாருக்கும், திரைப்பட நடிகைகளுக்கான சிகையலங்கார நிபுணராக இருந்த சரோஜாவுக்கும் பிறந்தார். இவரது தந்தை மராத்தியர், தாய் ஆந்திராவைச் சேர்ந்தவர்.^[1] நடன இயக்குனராக இருந்த சதீஷ்குமாரை 1987 ஆம் ஆண்டில் அனுராதா திருமணம் செய்து கொண்டார், அவர்களுக்கு அபிநயசிறீ மற்றும் காளிச்சரன் என்ற இரண்டு பிள்ளைகள் உள்ளனர். அபிநயஸ்ரீ ஒரு நடிகையாக உள்ளார். அனுராதாவின் கணவர் 1999 நவம்பர் 7 அன்று ஒரு இருசக்கர மோட்டார் வண்டி விபத்தில் சிக்கினார். இது அவரது மூளைக்கு பெரும் சேதத்தை ஏற்படுத்தியது. மேலும் அவர் 2007 இல் மாரடைப்பால் இறந்தார்.^[2]

சிட்டிசன் படத்தில் நக்மாவுக்காக

• எம்.எஸ்.ஐ.யில் அனுராதா
• Anuradha