இணையாட்களம் (கணிதம்)

கணிதத்தில், சார்பு ${\displaystyle f}$ : ${\displaystyle X}$ → ${\displaystyle Y}$ இன் இணையாட்களம் (Codomain) என்பது ${\displaystyle Y}$என்ற கணம்.

${\displaystyle f}$இன் ஆட்களம் என்பது ${\displaystyle X}$.^[1][2][3]

{ ${\displaystyle f(x)}$ : ${\displaystyle x}$ ∈ ${\displaystyle X}$ } என்ற கணம் ${\displaystyle f}$ இன் வீச்சு எனப்படும். அதை ${\displaystyle f(X)}$ என்றும் எழுதலாம்.

இதனிலிருந்து ${\displaystyle f}$ இன் வீச்சு எப்பொழுதும் அதன் இணையாட்களத்தின் உட்கணமாகத்தான் இருக்கவேண்டும் என்று ஊகிக்கலாம்.

இணையாட்களத்திற்கும் வீச்சுக்கும் உள்ள வேறுபாட்டைப் புரிந்துகொள்ள ஒரு நேரியல் உருமாற்றத்தின் அணியைக் கருத்தில் கொள்வது உதவும். வழக்கப்படி, ஒரு ${\displaystyle m\times n}$ அணியுடன் உறவுப்படுத்தப்பட்ட ஒரு நேரியல் கோப்பின் அரசு Rⁿ, மற்றும் இணையாட்களம் R^m. ஆனால் அவ்வணியை எல்லா n-பரிமாண நிரல்திசையன்களால் வலது பக்கம் பெருக்கினால் கிடைக்கும் கணம் மிகச்சிறியதாகவும் இருக்கலாம். உதாரணத்திற்கு, அணியின் எல்லா உறுப்புக்களும் 0 வாக இருந்தால், வீச்சு, அதன் பரிமாணம் ${\displaystyle m}$ ஆக இருந்தாலும் ஒரு சூனிய அணியே. அணியின் ஏதாவதொரு உறுப்பை மாற்றினால் கூட வீச்சு பெரிதாகிவிடும்.

${\displaystyle f}$: R${\displaystyle \rightarrow }$ R வரையறை: ${\displaystyle f\colon \,x\mapsto x^{2}.}$

f இன் இணையாட்களம் R. ஆனால் f(x) எதிர்ம மதிப்புகளை வெளியீடு செய்வதில்லை.அதனால் வீச்சு R${\displaystyle _{0}^{+}}$: , அதாவது எதிர்மமில்லாத மெய்யெண்கள், அதாவது [0, ${\displaystyle \infty }$) :

${\displaystyle 0\leq f(x)<\infty .}$

இப்பொழுது ${\displaystyle g}$ என்ற இன்னொரு சார்பை கவனிப்போம்:

${\displaystyle g\colon }$ R ${\displaystyle \rightarrow }$R${\displaystyle _{0}^{+}}$: ${\displaystyle g\colon \,x\mapsto x^{2}.}$

${\displaystyle f}$ ம் ${\displaystyle g}$ ம் ஒரு குறிப்பிட்ட எண்ணை ஒரே மாதிரியாக செயலாக்கினாலும் , தற்காலக்கணிதத்தில் அவையிரண்டும் ஒரே சார்பல்ல. ஏனென்றால் அவைகளினுடைய இணையாட்களங்கள் வெவ்வேறானவை. இதை நன்கறிந்துகொள்ள இன்னொரு சார்பைப்பார்ப்போம்:

${\displaystyle h\colon \,x\mapsto {\sqrt {x}}.}$

இங்கு R${\displaystyle _{0}^{+}}$ தான் அரசாக வரையறுக்கப்படமுடியும். இப்பொழுது இவ்விரண்டு சேர்வைகளை நோக்குக:

${\displaystyle h\circ f}$,

${\displaystyle h\circ g}$.

இவையிரண்டில் எது சரியான பொருளுள்ளது? முதலிலுள்ளது பிரச்சினையை எழுப்புகிறது. ஏன்? வர்க்கமூலம் எதிர்ம எண்களுக்கு வரையறுக்கப்படவில்லை!

ஆக, சார்புகளின் சேர்வை ${\displaystyle f_{1}\circ f_{2}}$ பேசப்படும்பொழுது, வலது பக்கச்சார்பின் இணையாட்களமும் இடது பக்கத்து சார்பின் ஆட்களமும் ஒரே கணமாக இருக்கவேண்டும்.

இணையாட்களத்தைப்பொருத்துதான் சார்பு ஒரு முழுக்கோப்பா அல்லவா என்பது தீர்மானிக்கப்படும். சார்பு ஒரு உள்ளிடுகோப்பா என்பது இணையாட்களத்தைப்பொருத்ததில்லை.

• ஆட்களம் (கணிதம்)
• வீச்சு