இரண்டாம் கான்ஸ்டன்டைன்
இரண்டாம் கான்ஸ்டன்டைன் 337 முதல் 340 வரை ரோமானிய பேரரசராக இருந்தார். அவர் மகா கான்ஸ்டன்டைனின் (முதலாம் கான்ஸ்டன்டைன்) மூத்த மகனாவார். இவர் அவரது சகோதரர்களுடன் இணைந்து இணை பேரரசராகவும் இருந்தார். [1] இவர் இத்தாலி மீது அவரது சகோதரன் முதலாம் கான்ஸ்டன்ஸ் நடத்திய படையெடுப்பில் தோல்வியடைந்து பின் அப்போரில் மரணமும் அடைந்தார்.
பிறப்பும் அரசாட்சியும்
[தொகு]இரண்டாம் கான்ஸ்டன்டைன் மகா கான்ஸ்டன்டைனின் (முதலாம் கான்ஸ்டன்டைன்) மூத்த மகனாவார். இவர் ஃபாஊடா மற்றும் கான்ஸ்டன்டைனுக்கு பெப்ரவரி 316 இல் அர்லஸில் பிறந்தார்.இவர் கிறிஸ்தவராக வளர்க்கப்பட்டார். 317 ஆம் ஆண்டு மார்ச் 1 ஆம் தேதியன்று இவர் சீசராக அறிவிக்கப்பட்டார்.[2] 323 இல், ஏழு வயதில்,சார்மாதியர்களுக்கு எதிராக அவரது தந்தை நடத்திய இராணுவ தாக்குதலில் பங்கு பெற்றார். பத்து வயதில், அவரது ஒன்றுவிட்ட சகோதரர் கிறிஸ்பஸின் மரணத்திற்கு பிறகு, கவுல் பகுதிக்கு தளபதியாக நியமிக்கப்பட்டார். பின்பு முதலாம் கான்ஸ்டன்டைன், கோத் இனத்தினருக்கு எதிராக நடத்திய தாக்குதலின் போது இவரை தளபதியாக நியமித்தார்.
337 ஆம் ஆண்டில் அவரது தந்தையின் மரணத்தைத் தொடர்ந்து, கான்ஸ்டன்டைன் II ஆரம்பத்தில் அவரது சகோதரர்கள் இரண்டாம் கான்ஸ்டான்டியஸ் மற்றும் கான்ஸ்டன்ஸுடன் இணைந்து பேரரசராக ஆனார், எனினும் பேரரசு அவர்களுக்கும் அவர்களது உறவினர்களான டால்மத்தியஸ் மற்றும் ஹன்னிபாலியனஸ் ஆகியோர்க்கு பிரித்தளிக்கப்பட்டது. ஆனால் இது சில காலத்திற்கு மட்டுமே நிலைத்தது. முதலாம் கான்ஸ்டன்டைனின் மகன்கள் இராணுவத்தை பயன்படுத்தி உறவினர்கள் குடும்பத்தை படுகொலை செய்து பேரரசை கைபற்றினர். அதன் விளைவாக, மூன்று சகோதரர்கள் பனோனியாவில் கூடினர், அங்கு 337 செப்டம்பர் 9 அன்று ரோமானிய உலகத்தை தங்களுக்குள்ளே பிரித்தார்கள்.[3]
மேற்கோள்கள்
[தொகு]- ↑ https://www.britannica.com/biography/Constantine-II-Roman-emperor
- ↑ https://www.unrv.com/emperors/constantine-II.php
- ↑ "Constantine II (emperor)", Wikipedia (in ஆங்கிலம்), 2019-03-04, பார்க்கப்பட்ட நாள் 2019-04-18