கிழக்கு வாசல் (திரைப்படம்)

கிழக்கு வாசல்
ஒலித்தட்டு அட்டைப்படம்
இயக்கம்	ஆர். வி. உதயகுமார்
தயாரிப்பு	டி. ஜி. தியாகராஜன் ஜி. சரவணன்
கதை	எம். எஸ். மாது
திரைக்கதை	ஆர். வி. உதயகுமார்
இசை	இளையராஜா
நடிப்பு	கார்த்திக் ரேவதி குஷ்பூ சின்னி ஜெயந்த் மனோரமா விஜயகுமார் ஜனகராஜ்
ஒளிப்பதிவு	அப்துல் ரகுமான்
படத்தொகுப்பு	ஜி. ஆர். அணில் மல்நாட்
கலையகம்	சத்ய ஜோதி பிலிம்சு
விநியோகம்	சத்ய ஜோதி பிலிம்சு
வெளியீடு	சூலை 12, 1990
நாடு	இந்தியா
மொழி	தமிழ்

கிழக்கு வாசல் என்பது ஆர். வி. உதயகுமார் இயக்கத்தில் 1990ஆம் ஆண்டில் வெளியான ஓர் இந்தியத் தமிழ்த் திரைப்படமாகும். இப்படத்தில் கார்த்திக், ரேவதி, குஷ்பூ ஆகியோர் முக்கிய கதாபாத்திரங்களில் நடித்திருந்தனர். சிறந்த வெற்றிப்படமான இது சென்னையில் 150 நாட்களைக் கடந்தும் தமிழகத்தின் பிற பகுதிகளில் 100 நாட்களைக் கடந்தும் வெற்றிகரமாக ஓடியது. நடிகர் கார்த்திக் தமிழ்த் திரைப்படத்துறையில் தனக்கென ஒரு இடத்தை தக்கவைத்துக் கொள்ள இப்படமே ஒரு திருப்புமுனையாக அமைந்தது.^[1]

• கார்த்திக் – பொன்னுரங்கம்
• ரேவதி – தாயம்மா
• குஷ்பூ – செல்வி
• சின்னி ஜெயந்த் – மாக்கான்
• மனோரமா
• விஜயகுமார்
• ஜனகராஜ்
• சண்முகசுந்தரம்
• தியாகு
• சுலக்சனா
• எஸ். என். பார்வதி
• கல்லாப்பெட்டி சிங்காரம்

இளையராஜா இசையமைத்த இத்திரைப்படத்தின் பாடல்கள் கர்நாடக இசையை அடிப்படையாகக் கொண்டவை. ரேவதி தோன்றும் பாடலான வந்ததே ஓ குங்குமம் பாடல் மோகன ராகத்தில் உருவானதாகும். இப்பாடலை பாடிய புகழ்பெற்ற பாடகி சித்ரா சிறந்த பின்னணிப் பாடகிக்கான தமிழக அரசின் திரைப்பட விருதைப் பெற்றார்.

• 1990 ஆம் ஆண்டுக்கான சிறந்த திரைப்படத்துக்கான தமிழக அரசின் திரைப்பட விருது - மூன்றாவது இடம்

• இணையதள திரைப்பட தரவுத்தளத்தில் கிழக்கு வாசல்