துரை வைகோ

துரை வைகோ
முதன்மைச் செயலாளர், மறுமலர்ச்சி திராவிட முன்னேற்றக் கழகம்
இந்திய மக்களவை உறுப்பினர்
பதவியில் உள்ளார்
பதவியில் சூன் 2024
முன்னையவர்	சு. திருநாவுக்கரசர்
தொகுதி	திருச்சிராப்பள்ளி
தனிப்பட்ட விவரங்கள்
பிறப்பு	கோபால்சாமி துரை வையாபுரி 2 ஏப்ரல் 1972 (1972-04-02) (அகவை 52)
அரசியல் கட்சி	மறுமலர்ச்சி திராவிட முன்னேற்றக் கழகம்
துணைவர்	கீதா
பிள்ளைகள்	2
பெற்றோர்	வைகோ, ரேணுகாதேவி
கல்வி	முதுகலை வணிக மேலாண்மை
வேலை	சமூகச் செயற்பாட்டளர், அரசியல்வாதி

துரை வைகோ (Durai Vaiko) அல்லது கோபால்சாமி துரை வையாபுரி (பிறப்பு: 2 ஏப்பிரல் 1972) என்பவர் தமிழ்நாட்டைச் சேர்ந்த அரசியல்வாதி ஆவார். இவர் மறுமலர்ச்சி திராவிட முன்னேற்றக் கழகத்தின் (மதிமுக) நிறுவனர் வைகோவின் மகன் ஆவார்.^[1] இவர் மதிமுக-வின் முதன்மைச் செயலாளராகவும், கட்சியின் பரப்புரையாளராகவும், கட்சியின் இணையப் பிரிவை வழிநடத்துபவராகவும் உள்ளார்.^{[2][3] [4]}

இளமைக் காலம்[தொகு]

இவர் 1972 ஆம் ஆண்டு வைகோ மற்றும் ரேணுகாதேவி ஆகிய தம்பதியர்க்கு மகனாகப் பிறந்தார். சென்னை சின்மயா வித்யாலயா பள்ளி மற்றும் சென்னை கிறிஸ்தவக் கல்லூரியில் படித்தார்^[5]

அரசியல் வாழ்க்கை[தொகு]

இவர் மதிமுக கட்சியின் முக்கியத் தேர்தல் பரப்புரையாளர்களுள் ஒருவராக இருந்தார்.^[6] மதிமுக கட்சியின் இணையத்தளப் பிரிவிலும் இயங்கி வருபவர்.^[7][8] 2014 இந்தியப் பொதுத் தேர்தலின் போது பா.ஜ.க. கட்சிக்கு ஆதரவாகவும்^[9] தே.மு.தி.க. கட்சிக்கு ஆதரவாகவும்^[10] தேர்தல் பரப்புரையில் இறங்கியவர். இவர் 2014இல் பட்டாசு தொடர்பாக இந்திய மத்திய அரசு விடுத்த புதிய சட்டத்தை எதிர்த்து, சிவகாசியில் உந்துருளி ஊர்வலத்தைத் தொடங்கி வைத்தார்.^[11] இவர் 2016 தமிழ்நாடு சட்டமன்றத் தேர்தலிலும் மதிமுகவுக்கு ஆதரவாக தேர்தல் பரப்புரை ஆற்றினார்.^[12] 2021 அக்டோபரில் மதிமுகவின் தலைமைக் கழகச் செயலாளராகப் பதவியேற்றார்.^[13]

மக்களவைக்குத் தெரிவு[தொகு]

தொழில்[தொகு]

இவர் "இந்திய புகையிலை குழுமம்" என்னும் நிறுவனத்தில் பங்குத்தொகை வைத்திருக்கிறார்.^[14] இந்த பங்குத்தொகை விவகாரம் மதிமுகவின் எதிர்த்தரப்புக் கட்சிக்காரர்களால் அதிகம் விமர்சிக்கப்படுகிறது.^[15][16] மேலும் இவர் வீ இரியாலிட்டி (V Realty) தனியார் வரையறுக்கப்பட்டது என்ற நிறுவனத்துக்கு இயக்குநராகவும் உள்ளார்.^[17]

மேற்கோள்கள்[தொகு]