ஆவியுயிர்ப்பு

தாவரங்களில் இருந்து நீர் நீராவி நிலையில் ஆவியாதலே ஆவியுயிர்ப்பு (Transpiration) எனப்படும். ஒளிச்சேர்க்கை நிகழ்வின்போது வாயு பரிமாற்றத்திற்காக இலைவாய்கள் திறந்திருக்கும் நிலையில், தாவரத்தில் மேல்நோக்கி எடுத்து வரப்படும் நீரானது ஆவியாக இலைவாய்களூடாக வெளியேறும். இது முக்கியமாக இலைகளிலுள்ள இலைவாய்களூடாகவே இடம்பெற்றாலும், தாவரங்களின் ஏனைய பகுதிகளிலிருந்தும் ஆவியுயிர்ப்பு சிறிதளவில் நிகழும். இலைவாய் தவிர புறத்தோல், தண்டிலுள்ள பட்டைவாய்களூடாகவும் ஆவியுயிர்ப்பு நிகழ்வதுண்டு.^[1][2][3]

இது ஆவியாதல் போன்ற ஒரு செயற்பாடாகும். இது விலங்குகளில் வியர்த்தல் போன்றதென்றாலும் இரண்டுக்கும் பல வேறுபாடுகளும் உண்டு. மழை போதுமான அளவில் கிடைக்கும் இடங்களில் ஆவியுயிர்ப்பைத் தடுக்க தாவரங்கள் இசைவாக்கம் அடைந்திருக்காது. எனினும் வறண்ட பிரதேசங்களில் வாழும் தாவரங்களான கள்ளி போன்றவை ஆவியுயிர்ப்பைக் குறைக்க நன்றாக இசைவாக்கம் அடைந்துள்ளன. ஆவியுயிர்ப்பு வீதம் பல காரணிகளால் செல்வாக்குச் செலுத்தப்படுகின்றது.

ஆவியுயிர்ப்பு வீதம் பல காரணிகளில் தங்கியிருக்கும்^[1][2][3]

• இலைவாய் ஆவியுயிர்ப்பு
• புறத்தோலுக்குரிய ஆவியுயிர்ப்பு
• பட்டைவாய் ஆவியுயிர்ப்பு

இவற்றில் பொதுவாக இலைவாயினூடாகவே அதிகமான நீராவி ஆவியுயிர்ப்பு மூலம் வெளியேறுகின்றது.

எடுகோளாக ஒரு தாவரத்தின் ஆவியுயிர்ப்பு வீத்தத்தை அளவிடும் ஒரு கருவியே உறிஞ்சன்மானி ஆகும்.

இதன் போது குழாயினுள் நகரும் வளிக்குமிளியின் வேகத்தை அளவிடுவதன் மூலம் ஆவியுயிர்ப்பு வீதத்தை அளவிட முடியும்.

• இலைக்குழிகளில் இலைவாய் காணப்படுதல். உதாரணம்- சவுக்கு
• இலைகள் ஒடுக்கப்பட்டு முட்களாக திரிபடைந்திருத்தல். உதாரணம்- கள்ளி, நாகதாளி
• தண்டில் நீர் சளியமாக சேமிக்கப்பட்டிருத்தல்.
• புறத்தோல் தடிப்பாக இருத்தல்.

• சவ்வூடு பரவல்
• கசிவு

1. ↑ ^{1.0 1.1} "Transpiration". BBC, Bitesize GCSE. Retrieved சூன் 10, 2014.
2. ↑ ^{2.0 2.1} "user.rcn.com". Archived from the original on 2014-07-05. Retrieved சூன் 10, 2014.
3. ↑ ^{3.0 3.1} "Transpiration - Water Movement through Plants". Plant and Soil Sciences eLibrary. Retrieved சூன் 10, 2014.