வாங்கல்

இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. நடுநிலையான மேற்கோள்கள் அல்லது உசாத்துணைகளைக் கொடுத்து இந்தக் கட்டுரையை மேம்படுத்த நீங்களும் உதவலாம். உசாத்துணைகள் இல்லாத கட்டுரைகள் விக்கிப்பீடியாவிலிருந்து நீக்கப்படலாம்.

வாங்கல் (Vangal) தமிழ்நாடு கரூர் மாவட்டத்தில் காவிரி ஆற்றங்கரையில், கரூர் மற்றும் நாமக்கல் மாவட்ட எல்லையில், கரூர் நகரிலிருந்து வடக்கே 11 கி.மீ. தொலைவிலும், நாமக்கல் நகரிலிருந்து தெற்கே 21 கி.மீ. தொலைவிலும் அமைந்துள்ள கிராமம்.

கரூர் ஊராட்சி ஒன்றியம், வாங்கல் குப்புசிபாளையம் ஊராட்சி, 13 வார்டுகளை உள்ளடக்கியது. வாங்கல் மற்றும் குப்புசிபாளையம் என இரண்டு கிராம நிர்வாக அலுவலம் உள்ளன. நன்செய் பகுதி வாங்கல் கிராம அலுவலர் கட்டுப்பாட்டிலும், புன்செய் பகுதி குப்புசிபாளையம் கிராம அலுவலர் கட்டுப்பாட்டிலும் உள்ளது.

வாங்கல் பழையூர், கு.வேலாயுதம் பாளையம், காட்டூர், நல்லகுமாரன் பாளையம், பசுபதி பாளையம், மாரிக்கவுண்டன் பாளையம், கோப்பம் பாளையம், சக்கர பாளையம், தவிட்டுப் பாளையம், ஒடையூர், கருப்பம் பாளையம், சீனிவாசபுரம், மூப்பர் நகர்.

மேற்கே மண்மங்கலம் மற்றும் நன்னியூர் ஊராட்சிகள், கிழக்கே நெரூர் வடக்கு ஊராட்சி, வடக்கே நாமக்கல் மாவட்டம் மோகனூர் பேருராட்சி, தெற்கே மின்னாம்பள்ளி பஞ்சமாதேவி மற்றும் மண்மங்கலம் ஊராட்சிகள்.

வாங்கல் குப்புச்சிப்பாளையம் ஊராட்சி மன்றத்தின் 2001-ஆம் ஆண்டு மக்கள் தொகை கணக்கெடுப்பின்படி மொத்த மக்கள் தொகையின் எண்ணிக்கை சுமார் 9,100 ஆகும்.

1. அரசு ஆண்கள் மேல்நிலைப் பள்ளி, வாங்கல்
2. அரசு மகளிர் மேல்நிலைப் பள்ளி,வாங்கல்
3. புனித மேரி மெட்ரிக் மேல்நிலைப் பள்ளி, வாங்கல்
4. கரூர் வெற்றி வினாயகா மேல்நிலைப் பள்ளி, எல்லைமேடு வாங்கல்.

(சென்னை மாநகரின் முன்னாள் காவல்துறை ஆணையர் திரு. காளிமுத்து, ஐ.பி.எஸ். அரசு ஆண்கள் மேல்நிலைப் பள்ளி, வாங்கலின் முன்னாள் மாணவர்). இது தவிர ஆறு தொடக்கப் பள்ளிகளும் கரூர் ஊராட்சி ஒன்றியக் கட்டுபாட்டில் இயங்கி வருகிறது.

ஶ்ரீவாங்கலம்மன் திருக்கோவில், வாங்கல் பெருங்குடி மக்களின் குல தெய்வமாகும். சித்திரை மாதத்தில் நடைபெறும் தேர் திருவிழா சிறப்பாகும். வாங்கலம்மன் கோவில், மலையாள கருப்பண்ண சுவாமி கோவில் ஆகியவை காவிரி ஆற்றிற்குச் செல்லும் வழியிலேயே அமைந்துள்ளது. இக்கோவில்கள் மிகவும் பிரசித்தி பெற்றதாகும்.

காவிரி ஆறு பாய்வதால் இக்கிராமம் விவசாயத்தில் சிறப்பான இடத்தை பிடித்துள்ளது. பணப்பயிர்களான கரும்பு, வாழை முக்கிய விவசாயங்களாகும். நெல், வெற்றிலை, கோரை, தென்னை சாகுபடி ஆகியவற்றில் வாங்கல் பகுதி சிறந்து விளங்குகிறது.

காவிரி ஆறு, வாங்கல் வாய்க்கால், பாப்புலர் முதலியார் வாய்க்கால் மற்றும் நெரூர் வாய்க்கால் முக்கிய பாசனமாகும், மற்ற விவசாயம் சார்ந்த தொழில்களான பால் உற்பத்தியில் வாங்கல் சிறந்து விளங்குகிறது. இங்கு உற்பத்தி செய்யப்படும் பால் ஆவின் மற்றும் தனியார் பண்ணைகளுக்கு அனுப்பப்படுகிறது.

• ஸ்டேட் பாங்க் ஆப் இந்தியா
• பல்லவன் கிராம வங்கி
• தொடக்க வேளாண்மை கூட்டுறவு வங்கிகள் இரண்டு செயல்பட்டு வருகின்றன.

பாரத ஸ்டேட் வங்கி ஏடிஎம் வங்கி வளாகத்திலும், இந்தியா கேஷ் ஏடிஎம் கடைத்தெரு அருகிலும் செயல்படுகிறது.

பி.எஸ்.என்.எல். தொலைபேசி அலுவலகம் இங்கு இயங்கி வருகிறது.

மூன்று அஞ்சல் நிலையங்கள் இயங்கி வருகின்றன. வாங்கல் துணை அஞ்சலகம், வாங்கல் கிழக்கு கிளை அஞ்சலகம் மற்றும் குப்புசிபாளையம் கிளை அஞ்சலகம். அருகில் உள்ள தலைமை அஞ்சலகம்: கரூர்-639 001

கரூர் வட்டத்தின் அனைத்து பகுதிகளுக்கும் இங்கு இருந்து எளிதில் சென்று வர சாலை வசதி உள்ளது.

வாங்கல் - கரூர் இரு வழி சாலை (மாவட்ட முக்கிய சாலை); வாங்கல் - மண்மங்கலம் இடை வழி சாலை (மாவட்ட முக்கிய சாலை) (இது தேசிய நெடுஞ்சாலை 7 உடன் வாங்கலை இணைக்கிறது); வாங்கல்-நெருர் இடை வழி சாலை வாங்கல்-புகளூர் இடை வழி சாலை தளவாபாளையம் வழி

கரூர் - நாமக்கல் மாவட்டத்தை இணைக்கும் வாங்கல் - மோகனூர் இடையே காவிரி ஆற்றின் குறுக்கே 1,500 மீட்டர் தொலைவிற்கு மேம்பாலம் மற்றும் சாலை போக்குவரத்து

கரூர் - வாங்கல் இடையே 20 நிமிடங்களுககு ஒரு முறை காலை 4 மணி முதல் இரவு 11 மணி வரை அரசு,தனியார் மற்றும் மினி பேருந்துகள் இயங்கி வருகின்றன. வாங்கல் - பரமத்தி வேலூர் இடையே காலை 5.30 மணி முதல் இரவு 9 மணி வரை ஒரு மணி நெரத்திற்கு ஒரு முறை அரசு,தனியார் & மினி பேருந்துகள் தளவாபாளையம், புகளூர், வேலாயுதம்பாளையம் வழியாக இயங்கி வருகின்றன.

இது தவிர அருகில் உள்ள நெருர், திருமக்கூடலூர் ஆகிய பகுதிகளுக்கும் அரசு பேருந்துகள் இயங்கி வருகின்றன.

கரூர் -சேலம் இடையே புதிய அகல இரயில் பாதை வாங்கல் வழியாக செல்கிறது. இதற்காக வாங்கலில் புகை வண்டி நிலையம் சுமார் ஒரு கோடி ரூபாய் மதிப்பீட்டில் கட்டப்பட்டு பயன்பாட்டில் உள்ளது. வாங்கல் ரயில் நிலையத்தில் தற்சமயம் பயணிகள் ரயில் மட்டும் நின்று செல்கிறது.

அமைவிடம்: புது வாங்கலம்மன் கோவில் மற்றும் திருமண மண்டபம் மிக அருகாமையில் 100 மீட்டர் தொலைவிலும், வாங்கல் கடை வீதியில் இருந்து மேற்கே சுமார் 300 மீட்டர் தொலவிலும் வாங்கல் ரயில் நிலையம் உள்ளது.

ரயில் கால அட்டவனை: காலை 07.30 மற்றும் இரவு 07.00 கருர் செல்வதற்கு (சேலம் கரூர் பயணிகள் வண்டி) காலை 08:40 மற்றும் இரவு 08.00 மோகனூர் , நாமக்கல், ராசிபுரம் மற்றும் சேலம் செல்வதற்கு(சேலம் கருர் பயணிகள் வண்டி)

அருகில் உள்ள பெரிய சந்திப்பு ரயில் நிலையம்: கரூர் (தெற்கே 11 கி.மீ)

வாங்கலில் அரசு ஆரம்ப சுகாதர நிலையம் இயங்கி வருகிறது. இங்கு இப்பகுதி மக்கள் ஏராளமானோர் சிகிச்சை பெற்று வருகின்றனர். மேலும் இரண்டு துணை சுகாதார நிலையங்களும், தனியார் மருத்துவமனைகள் சேவை புரிந்து வருகின்றன. இங்கு கால்நடை மருந்தகம் ஒன்றும் இயங்கி வருகிறது.

வாங்கலில் காவல் நிலையம் பல ஆண்டுகளாக செயல்பட்டு வருகிறது. இது வாங்கல், நெரூர், அரங்கநாதன் பேட்டை, சோமூர், மின்னாம்பள்ளி, மண்மங்கலம், நன்னியூர் புதூர், கடம்பங்குறிச்சி, செம்மடை ஆகிய பகுதி மக்களின் பாதுகாவலனாக இக்காவல்நிலையம் இயங்கி வருகின்றது.

திரைப்பட நடிகர் ரவிச்சந்திரன் ^{[சான்று தேவை]} மற்றும் செய்தி வாசிப்பாளர் நிர்மலா பெரியசாமி ^{[சான்று தேவை]} இவ்வூரில் பிறந்தவர்களாவர். முன்னாள் மத்திய அமைச்சர் கோபாலும் இக்கிராமத்தை சார்ந்தவர்.

பழனி செப்பு பட்டயம்