விவரிக்கப்படாத உயிரலகு
உயிரியல் வகைப்பாட்டில், விவரிக்கப்படாத உயிரலகு என்பது ஒரு உயிரலகு (உதாரணம்: சிற்றினம்) கண்டுபிடிக்கப்பட்டு முறையாக விவரிக்கப்பட்டுப் பெயரிடப்படாததைக் குறிக்கின்றது.
விளக்கம்
[தொகு]பல்வேறு பெயரிடல் குறியீடுகள் ஒரு புதிய உயிரலகினை சரியான முறையில் விவரித்துப் பெயரிடப்படுவதற்கான தேவைகளைக் குறிப்பிடுகின்றன. இத்தகைய விளக்கம் உயிரியல் வகைப்பாடு வெளியிடப்படும் வரை, உயிரலகிற்கு முறையான அல்லது அதிகாரப்பூர்வ பெயர் இல்லை. இருப்பினும் ஒரு தற்காலிக, முறைசாரா பெயர் பெரும்பாலும் பயன்படுத்தப்படுகிறது. வெளியிடப்பட்ட இருசொல் அறிவியல் பெயர் பல்வேறு காரணங்களுக்காகக் குறியீடுகளின் தேவைகளைப் பூர்த்தி செய்யாமல் போகலாம். எடுத்துக்காட்டாக, உயிரலகு போதுமானதாக விவரிக்கப்படவில்லை என்றால், நீயூடம் (nudum) என்று அழைக்கப்படுகிறது. அதிகாரப்பூர்வமற்ற விளக்கங்கள் வெளியிடப்பட்டாலும், ஒரு உயிரலகு நீண்ட காலத்திற்கு "விவரிக்கப்படாமல்" இருக்க முடியும்.
விவரிக்கப்படாத ஒரு சிற்றினத்தைப் பேரினப் பெயருடன் குறிப்பிடலாம். பேரினப் பெயரினைத் தொடர்ந்து ஆங்கில எழுத்தில் சிற்றினம் என்று பொருள்படும் வகையில் "sp"., எனச் சுருக்கமானது சிற்றினங்கள் மட்டத்தில் அடையாளம் காண முடியாத அளவுக்கு முழுமையற்ற மாதிரிகள் அல்லது படங்களைப் பெயரிடப் பயன்படுத்தப்படுகிறது. சில சந்தர்ப்பங்களில், ஒரு பேரினத்தில் ஒன்றுக்கு மேற்பட்ட விவரிக்கப்படாத சிற்றினங்கள் இருக்கலாம். இச்சூழலில் இவை பெரும்பாலும் எண் அல்லது எழுத்தினால் குறிப்பிடப்படுகின்றன. எடுத்துக்காட்டாக, பிரிசுடியோபோரசு என்ற சுறா மீன் பேரினத்தில், சில காலத்திற்கு, நான்கு விவரிக்கப்படாத சிற்றினங்கள் இருந்தன. இவை முறைசாரா முறையில் பிரிசுடியோபோரசு சிற்றினம் A, B, C மற்றும் D. என்று பெயரிடப்பட்டன. (பின்னர் 2008-ல், சிற்றினம் A பிரிசுடியோபோரசு பெரோனியென்சிசு என்றும் B பி . டெலிகேட்டசசு என விவரிக்கப்பட்டது) C அல்லது D சிற்றினங்களுக்கான முறையான விளக்கம் வெளியிடப்பட்டால், அதன் தற்காலிகப் பெயர் சரியான இருசொல் பெயருடன் மாற்றப்படும்.
பாக்டீரியாவியலில் தற்காலிக பெயர்கள்
[தொகு]பாக்டீரியாவியலில், ஒரு பெயரின் சரியான வெளியீட்டிற்குப் பாக்டீரியா வளர்ப்பின் சேகரிப்பில் பாக்டீரியாவின் படிவு தேவைப்படுகிறது. இதில் சாத்தியமில்லாத சிற்றினங்கள் சரியான இருசொல் பெயரைப் பெற முடியாது. இந்த சிற்றினங்கள் கேண்டிடேடசு எனும் நிலைக்கருவிலில் வகைப்படுத்தப்படுகின்றன.
தாவரவியலில் தற்காலிக பெயர்கள்
[தொகு]ஒரு சிற்றினத்திற்கான தற்காலிகப் பெயர், உலர்தாவரம் அல்லது பிற சேகரிப்பில் உள்ள ஒரு மாதிரியின் எண்ணிக்கை அல்லது வேறு சில பதவிகளைக் கொண்டிருக்கலாம். இது போன்ற ஒரு மாதிரி அடையாளங்காட்டி அல்லது மேற்கோள் குறிகளால் இணைக்கப்பட்ட ஒரு தற்காலிக குறிப்பிட்ட அடைமொழியைத் தொடர்ந்து இது பேரினப் பெயரைக் கொண்டிருக்கலாம். பிந்தைய வழக்கில், ஆசிரியர் மேற்கோள் லத்தீன் வார்த்தையான இன்எடிடசு (ineditus) அல்லது இனெட் (ined) மூலம் மாற்றப்படலாம்; "வெளியிடப்படாதது" என்று பொருள். 2013ஆம் ஆண்டு நிலவரப்படி, பாலிசியாசு என்ற பூக்கும் தாவரத்தின் பல சிற்றினங்கள் அறிவியல் ஆய்விதழ் கட்டுரைகளில் அத்தகைய பெயரின் கீழ்க் காணப்படுகின்றன.[1] எவ்வாறாயினும், குறிப்பிடப்பட்ட பெயர் வெளியிடப்படாமல் இருக்க வேண்டிய அவசியமில்லை. இது இன்னும் சரியான பெயரால் மாற்றப்படாத ஒரு முறைசாராப் பெயராக இருக்கலாம். எடுத்துக்காட்டாக, "எண்ட்ரெசியா (Endressia)" (சென்சு-sensu விப்பின் - Whiffin) என்ற பெயர் 2007-ல் மோனிமியாசி குடும்பத்தில் உள்ள ஒரு சிற்றினத்திற்காக வெளியிடப்பட்டது. ஆனால் இது அபியேசியே (Apiaceae) குடும்பத்தில் உள்ள எண்ட்ரெசியா ஜெ. கேயின் பொருத்தமற்ற பல்பொருள் சொல்லாகும். 2010-ல், இது சட்டவிரோதமானது என்று குறிப்பிடப்பட்டது. ஆனால் இன்னும் மேற்கோள் குறிகளுடன் பயன்படுத்தப்படுகிறது.[2] இந்த பெயர் 2018-ல் பென்ட்ரெசியா என மாற்றப்பட்டது.[3]
மேலும் பார்க்கவும்
[தொகு]மேற்கோள்கள்
[தொகு]- ↑ Polyscias in Tropicos. (See External links below).
- ↑ Susanne S. Renner, Joeri S. Strijk, Dominique Strasberg, and Christophe Thébaud. 2010. "Biogeography of the Monimiaceae (Laurales): a role for East Gondwana and long-distance dispersal, but not West Gondwana". Journal of Biogeography 37(7):1227-1238. எஆசு:10.1111/j.1365-2699.2010.02319.x
- ↑ International Plant Names Index. Pendressia. Retrieved 2020-08-26.