26. Mai

Dr 26. Mai isch dr 146. Dag vum Gregorianische Kalender (dr 147. in Schaltjohr), dodermit blybe no 219 Däg bis zum Änd vum Johr.

• 1231: S bishär vu dr Habsburger beherrscht Dal Uri wird dur dr vum Heinrich VII. uusgstellt Freibrief vu Hagenau rychsuumittelbar.
• 1854: Dr Schwyzer Schelm Bernhard Matter wird as letschte Mänsch im Kanton Aargau hiigrichtet.
• 1857: Uf Vermittlig vum franzesische Chaiser Napoleon III. im Noieburgerhandel verzichtet dr preußisch Chenig Friedrich Wilhelm IV. im Vertrag vu Paris uf syy Rächt an Noieburg un Valangin.
• 1900: Z Bärn wird dr Bund Schweizerischer Frauenvereine (BSF) grindet.
• 1911: S bishärig Rychsland Elsaß-Lothringe chunnt e Verfassig iber, wu s 40 Johr no dr Annexion im Dytsch-Franzesische Chrieg as aigeständige Bundesstaat vum Dytsche Chaiserrych anerkännt wird.
• 1936: Z Frankfurt am Main wird d Oper Doktor Johannes Faust vum Hermann Reutter urufgfiert.
• 1966: Guyana wird unabhängig vu Großbritannie.
• 2011: Dr muetmaßlig Chriegsverbrächer Ratko Mladić wird z Serbie feschtgnuu.

• 1478: Giulio de’ Medici, Papscht vu 1523-1534 as Clemens VII.
• 1595: Remigius Faesch, Basler Jurischt un Chunschtsammler
• 1773: Hans Georg Nägeli, Schwyzer Komponischt
• 1897: Albert Streich, Schwyzer Mundartschriftsteller
• 1926: Miles Davis, en amerikanische Dschääsmusiker
• 1947: Christian Schmid, Schwyzer Dialäktoloog
• 1955: Beat Dittli, Schwyzer Namekundler

• 1512: Bayezid II., Sultan vom Osmanische Riich vo 1481 bis 1512
• 1552: Sebastian Münster, dytsch-schwyzerische Kosmograf un Humanischt
• 1854: Bernhard Matter, Schwyzer Schelm un Volksheld
• 1937: Karel Kramář, tschechoslowakische Bolitiker
• 1976: Martin Heidegger, e dütsche Filosof
• 1989: Paul Dübi, Schwyzer Bolitiker
• 1999: Paul Sacher, Schwyzer Dirigänt un Mezen
• 2021: Hanspeter Guggenbühl, Schwyzer Journalischt

 Commons: 26. Mai – Sammlig vo Multimediadateie