Бадэнская народная партыя
| Бадэнская народная партыя | |
|---|---|
| Лідар | Роберт Альбіц (1959–1960)[1] Карл Глунк (1960–1970)[1][2] |
| Дата заснавання | 5 чэрвеня 1959 |
| Дата роспуску | 1970 |
| Штаб-кватэра | Карлсруэ |
| Краіна | |
| Ідэалогія | хрысціянская дэмакратыя |
| Саюзнікі і блокі | Нямецкая партыя |
Бадэнская народная партыя, БНП (ням.: Badische Volkspartei, BVP) — рэгіянальная палітычная партыя ў нямецкай зямлі Бадэн-Вюртэмберг, заснаваная 5 чэрвеня 1959 года ў Карлсруэ. Яе першараднай мэтай з’яўляўся роспуск зямлі Бадэн-Вюртэмберг, якая існуе з 1952 года, каб тым самым дамагчыся аднаўлення Бадэна, як асобнай адміністрацыйнай адзінкі Германіі[3].
Падчас выбараў у сакавіку 1960 года БНП аб'ядналася з Нямецкай партыяй (ДП). Афіцыйна кааліцыя называлася як ДП/БНП. У выбарчым бюлетэні яна была паказаная як ДП. Кааліцыя дамаглася найлепшага выніку з 4,3 % у адміністрацыйнай акрузе Фрайбург. У верасні таго ж года БНП спыніла супрацоўніцтва з ДП. Пасля правядзення рэферэндуму ў 1970 года, на якім грамадзяне прагаласавалі за працяг існавання Бадэн-Вюртэмберга, партыя самараспусцілася[1].
Генрых Бергёц быў абраны ў 1959 годзе адзіным прадстаўніком ад БНП у гарадскім савеце Карлсруэ[4][1].
Крыніцы
[правіць | правіць зыходнік]- ↑ а б в г Bestand 69 Badische Volkspartei. Einführung Архівавана 14 снежня 2021. im Landesarchiv Baden-Württemberg.
- ↑ Ein Original feiert 90. Geburtstag(недаступная спасылка). Südkurier (16 красавіка 2015). Архівавана з першакрыніцы 2 лютага 2017. Праверана 15 лютага 2019.
- ↑ Altbaden bläst zum Angriff Архівавана 16 лютага 2019. In: Die Zeit Nr. 24 vom 12. Juni 1959
- ↑ Günter Opitz: Berggötz, Heinrich. In: Fred Ludwig Septainter (Hrsg.): Baden-Württembergische Biographien. Band V, Kohlhammer, Stuttgart 2013, ISBN 978-3-17-024863-2, S. 24-26, hier S. 26.
Спасылкі
[правіць | правіць зыходнік]- Badische Volkspartei im Stadtlexikon Karlsruhe
