Мбенга
| Мбенга | |
|---|---|
| фідж. Beqa | |
 Узбярэжжа | |
| Характарыстыкі | |
| Плошча | 36 км² |
| Насельніцтва | 3 000 чал. |
| Шчыльнасць насельніцтва | 83,33 чал./км² |
| Размяшчэнне | |
| 18°23′28″ пд. ш. 178°07′45″ у. д.HGЯO | |
| Акваторыя | мора Кора |
| Краіна | |
 | |
 Медыяфайлы на Вікісховішчы | |
Востраў Мбе́нга (фідж.: Beqa) — востраў у складзе Фіджы на поўдзень ад Віці-Леву. Агульная плошча — 36 км². Насельніцтва — 3000 чал. (2006 г.).
Востраў Мбенга мае вулканічнае паходжанне. Месціцца ў 42 км на паўднёвы захад ад Сувы. Рэльеф гарысты. Найвышэйшы пункт — 462 м. Усходні і паўднёвы берагі перасечаны глыбокімі залівамі. Вакол вострава цягнецца шырокае кола каралавых рыфаў.
Жыхары вёскі Руква з племені савау на востраве Мбенга вядомы сваім ўменнем хадзіць басанож па распаленым камяням. Згодна паданню, гэты дар яны атрымалі ў старажытныя часы ад духа-вугра. Першапачаткова хаджэнне па распаленым камяням праводзілася ў рытуальных мэтах і суправаджала традыцыйныя рэлігійныя святы. У наш час арганізуецца для забаў турыстаў.
Дзякуючы блізкасці да Сувы і цудоўнай прыродзе востраў Мбенга лічыцца на Фіджы папулярным дарагім курортам. Мясцовыя жыхары таксама займаюцца сельскай гаспадаркай і прыбярэжным рыбалоўствам.
Спасылкі
[правіць | правіць зыходнік]- Pacific Harbour & Beqa Island Vacation Guide Архівавана 10 верасня 2014.
- Rookwa Village Fire Walking Архівавана 14 лютага 2016.
- Beqa Island — Dive Adventures