இயேசுவின் திருமுழுக்கு

நற்செய்திகளின்படி
இயேசுவின் வாழ்வு
துவக்க வாழ்வு முன்னறிவிப்பு மரியா எலிசபெத்தை சந்தித்தல் பிறப்பு கன்னிப்பிறப்பு இடையர்களின் வருகை விருத்தசேதனம் கோவிலில் அர்ப்பணித்தல் ஞானிகளின் வருகை எகிப்துக்குத் தப்பி ஓடிச் செல்லுதல் குழந்தைகள் படுகொலை நாசரேத்துக்குத் திரும்பிச் செல்லுதல் கோவிலில் சிறுவன் இயேசு
பணிவாழ்வு திருமுழுக்கு சோதிக்கப்படுதல் பன்னிருவரை அழைத்தல் மலைப்பொழிவு / சமவெளிப் பொழிவு புதுமைகள் உவமைகள் புறக்கணிக்கப்படுதல் தோற்றம் மாறுதல்
பாடுகள் குருத்து ஞாயிறு வெற்றி ஆர்ப்பரிப்போடு எருசலேமில் நுழைதல் கோவிலைத் தூய்மைப்படுத்துதல் இரண்டாம் வருகை முன்னறிவிப்பு நறுமணத் தைலம் பூசப்படுதல் இறுதி இராவுணவு துணையாளரை அனுப்புவதாக உறுதி கூறல் இரத்த வியர்வை வடித்தல் யூதாசு காட்டிக் கொடுத்தல் கைது செய்யப்படுதல் தலைமைச் சங்கத்தின் முன்னிலையில் ஏரோது முன்னிலையில் பிலாத்துவிடம் ஒப்புவிக்கப்படல் சாட்டையால் அடிக்கப்படல் முள்முடி சூட்டப்படுதல் துன்பப் பாதை சாவு சிலுவையிலிருந்து இறக்கப்படல் அடக்கம் செய்யப்படல்
உயிர்த்தெழுதல் காலியான கல்லறை உயிர்த்த இயேசுவின் காட்சிகள் மகதலா மரியாவுக்குத் தோன்றல் எம்மாவு வழியில் சீடரைச் சந்தித்தல் பெரும் கட்டளை விண்ணேற்றம்
புதிய ஏற்பாட்டில் பிற பவுலின் மனமாற்றம் யோவானுக்கு வெளிப்படுத்தப்படல்
கிறித்தவம் வலைவாசல் விவிலியம் வலைவாசல்
பா உ தொ

இயேசு தனது பணி வாழ்வைத் தொடங்குவதற்கு முன் திருமுழுக்கு யோவானிடம் யோர்தான் நதிக்கரையில் திருமுழுக்கு பெற்றார். இந்நிகழ்வு மத்தேயு, மாற்கு, லூக்கா மற்றும் யோவான் நற்செய்திகளில் குறிப்பிடப்பட்டுள்ளன.^[1][2] இயேசுவின் உருமாற்றம், சிலுவைச் சாவு, உயிர்த்தெழுதல், விண்ணேற்றம் ஆகியவற்றுடன் திருமுழுக்கும் அவரின் இந்து முக்கிய வாழ்க்கை நிகழ்வுகளில் ஒன்றாக கருதி அனேக திருச்சபைகளில் ஆண்டின் முதல் அல்லது இரண்டாம் வாரங்களில் அனுசரிக்கப் படுகிறது.^[3] இந்நிகழ்வை கத்தோலிக்க திருச்சபையானது ஒளியின் மறைபொருள்களுள் ஒன்றாக ஜெபமாலையில் ஜெபிக்க பணிக்கிறது.

இயேசுவின் திருமுழுக்கானது மத்தேயு, மாற்கு, லூக்கா மற்றும் யோவான் ஆகிய நான்கு நற்செய்திகளிலும் காணக்கிடைக்கிறது.^[4]

மத்தேயு நற்செய்தியில் இயேசு யோவானிடம் திருமுழுக்குப் பெற கலிலேயாவிலிருந்து யோர்தானுக்கு வந்தார். யோவான், "நான்தான் உம்மிடம் திருமுழுக்குப் பெற வேண்டியவன்; நீரா என்னிடம் வருகிறீர்?" என்று கூறித் தடுத்தார். இயேசு, "இப்பொழுது விட்டுவிடும். கடவுளுக்கு ஏற்புடையவை அனைத்தையும் நாம் நிறைவேற்றுவதுதான் முறை" எனப் பதிலளித்தார். அதற்கு யோவானும் இணங்கினார் என்றும் (மத்தேயு 3:13-17)

மாற்கு நற்செய்தியில் அக்காலத்தில் இயேசு கலிலேயாவிலுள்ள நாசரேத்திலிருந்து வந்து யோர்தான் ஆற்றில் யோவானிடம் திருமுழுக்குப் பெற்றார் என்றும் (மாற்கு 1:9-11)

லூக்கா நற்செய்தியில் மக்களெல்லாரும் திருமுழுக்குப் பெறும் வேளையில் இயேசுவும் திருமுழுக்குப் பெற்று, இறைவனிடம் வேண்டிக் கொண்டிருந்தபோது வானம் திறந்தது என்றும் (லூக்கா 3:21-22)

மூன்று நற்செய்திகளின் ஒற்றுமை

தூய ஆவி புறா வடிவில் தோன்றி அவர்மீது இறங்கியது.அப்பொழுது,      "என் அன்பார்ந்த மகன் இவரே,      இவர்பொருட்டு நான் பூரிப்படைகிறேன்"  என்று வானத்திலிருந்து ஒரு குரல் ஒலித்தது.[5] (மத்தேயு: 3:16-17)(மாற்கு 1:10-11)(லூக்கா 3:22) 

என்று மூன்று நற்செய்திகளிலும் ஒரிரு சொல் வேற்றுமைகளைத் தவிர ஒன்று போல் குறிப்பிடப்பட்டுள்ளது.

ஆனால் யோவான் நற்செய்தியில் "தூய ஆவி புறாவைப்போல வானிலிருந்து இறங்கி இவர் மீது இருந்ததைக் கண்டேன். இவர் யாரென்று எனக்கும் தெரியாதிருந்தது. ஆனால் தண்ணீரால் திருமுழுக்குக் கொடுக்கும்படி என்னை அனுப்பியவர் 'தூய ஆவி இறங்கி யார்மீது இருப்பதைக் காண்பீரோ அவரே தூய ஆவியால் திருமுழுக்குக் கொடுப்பவர்' (யோவான் 1:32-33) என்று குறிப்பிடப்பட்டுள்ளது.

யோவான் நற்செய்தியில் மூன்று நற்செய்திகளை விட தனித்துவமாக குறிப்பிடப்பட்டுள்ளது. திருமுழுக்கு யோவானின் வாழ்க்கைக் குறிப்பை குறிப்பிட்டு பின்னர் அனேகருக்கு திருமுழுக்கு கொடுப்பதாகவும், இயேசுவின் வருகையை முன் அறிவிப்பதாகவும், பின்னர் இயேசுவுக்கு திருமுழுக்கு கொடுத்து அதை தானே சான்று பகர்வதாகவும் குறிப்பிடப்பட்டுள்ளது.^[6] (யோவான் 1:19-34)