நூக்கலம்மா
| இந்து சமயம் தொடர்பான கட்டுரை |
| இந்து சமயம் |
|---|
 |
|
 வைணவம் வலைவாசல் |
நூக்கலம்மா (அல்லது நூகாம்பிகா ) என்பது இந்தியாவின் ஆந்திரப் பிரதேச மாநிலத்தில் வணங்கப்படும் பிரபலமான ஒரு உள்ளூர் தெய்வம் அல்லது கிராம தேவதை ஆகும்.
அனகப்பள்ளி பகுதியை ஆண்ட ஸ்ரீ காகர்லபுடி அப்பள ராஜு பயகராவ், என்பவர் தனது குலதெய்வமான காகடாம்பிகைக்கு இந்த கோவிலை எழுப்பினார். பின்னாளில் நூகாம்பிகை அல்லது நூக்கலம்மா என்று அழைக்கப்பட்டாள். உகாதிக்கு ஒரு நாள் முன்னதாக வரும் '''கொத்த அமாவாசை''' அன்று ஆந்திர பிரதேசம் முழுவதிலும் இருந்து ஆயிரக்கணக்கான மக்கள் வழிபாட்டிற்காக கோயிலுக்கு வருகிறார்கள்.[1]
பெண் தெய்வம்
[தொகு]ஸ்ரீ ஸ்ரீ ஸ்ரீ நூகாம்பிகை அம்மாவாரு ஒன்பது சக்தி வடிவங்களில் ஒன்றாக கருதப்படுகிறார். பண்டைய நாட்களில் '''ஸ்ரீ அனகா தேவி''' என்று பிரபலமாக அறியப்படுகிறது. சில ஆண்டுகளுக்குப் பிறகு, காகதீய மன்னர்கள் காலத்தில் கோயில் புதுப்பிக்கப்பட்டு, அதே அம்மன் ஸ்ரீ காகடம்பா என்ற பெயருடன் வழிபடப்பட்டது. இங்கு தினசரி பூஜைகளும் தீபாராதனைகளும் நடைபெறுகின்றன. ஆனால் மன்னர்கள் அவர்கள் வம்சாவளியை இழந்ததால், தினசரி பூஜைகள் மற்றும் பிற சடங்குகள் தடைபட்டன, எனவே படிப்படியாக கோவில் அதன் முந்தைய பெருமையை இழந்தது.
பிரபஞ்சத்தை உருவாக்கியவர் ஸ்ரீ சக்தி அம்மாவாரு என்றும், பால்குண பஹுல அமாவாசை (அமாவாசை) முதல் ஏப்ரல் (அமாவாசை நாள்) வரையிலான காலகட்டத்தில் பிரபஞ்ச உருவாக்கம் நடந்ததாகவும் நம்பப்படுகிறது. அதை நினைவுகூரும் பொருட்டு இந்த புண்ணிய காலத்தில் ஸ்ரீ நூகாம்பிகை அம்மையாருக்கு ஏராளமான சமய சடங்குகள் மற்றும் பூஜைகள் செய்யப்படுகின்றன. ஞாயிறு, செவ்வாய் மற்றும் வியாழன் ஆகிய நாட்கள் ஸ்ரீ நூகாம்பிகை அம்மனுக்கு பூஜை செய்ய உகந்த நாட்களாக கருதப்படுகிறது.
கோவில்
[தொகு]ஏறக்குறைய 450 ஆண்டுகளுக்கு முன்பு, கி.பி.1611 இன் பிற்பகுதியில், ஆற்காடு நவாப், ஸ்ரீ காகர்லபுடி அப்பலராஜு பயகராவ் என்பவரை அனகப்பள்ளி பகுதிக்கு மன்னராக நியமித்தார்.[2] அவர் இந்த பழமையான கோயிலைப் புதுப்பித்து, பழைய புகழையும், உள்ளூர் தெய்வத்தையும் ஸ்ரீ நூகாம்பிகை அம்மாவாக கொண்டு வியாபகம் பண்ணினார்.
ஸ்ரீ ஸ்ரீ ஸ்ரீ நூகாம்பிகை அம்மாவாரி கோயில் 1935 ஆம் ஆண்டு மாநில அறநிலையத் துறையால் கையகப்படுத்தப்பட்டது.[3] கோதாவரி மாவட்டங்களில் இருந்து பெர்ஹெம்பூர் மாவட்டம் வரையிலான கோயில்களின் திருப்பணிகளுக்காக இந்தக் கோயிலின் நிதி பகிர்ந்து அளிக்கப்படுகிறது. உதவி கமிஷனர் பதவியில் உள்ள ஒரு அதிகாரி இக்கோவிலின் செயல் அதிகாரியாக நியமிக்கப்படுகிறார்.
இப்போது கோவிலின் வருமானம் ஆண்டுக்கு 68 லட்சதிற்கும் அதிகமாகும். நன்கொடையாளர்களின் பங்களிப்புடன், புதிய வீடுகள் கட்டப்பட்டதுடன், கோவிலுக்கும் அதன் சுற்றியுள்ள பகுதிகளுக்கும், சாலைகளும் அமைக்கப்பட்டன.
மேற்கோள்கள்
[தொகு]- ↑ B., Madhu Gopal (19 March 2004). "Festival spirit pervades". தி இந்து. https://www.thehindu.com/lf/2004/03/19/stories/2004031903150200.htm. பார்த்த நாள்: 22 May 2019.[தொடர்பிழந்த இணைப்பு]
- ↑ [1]
- ↑ [2]
ஆந்திர மாநிலம், விசாகப்பட்டினம் மாவட்டத்தில் உள்ள அனகாபள்ளி நகரில் நூகாம்பிகை கோயில் உள்ளது.