Владимир Мироваев
| Владимир Мироваев | |
 | |
| Төп мәгълүмат | |
|---|---|
| Тулы исеме | Владимир Алексей улы Мироваев |
| Туу көне | 11 декабрь 1954 (69 яшь) |
| Туу урыны | |
| Эшчәнлек еллары | — |
| Дәүләт | |
| Һөнәрләр | җырчы, баянчы, педагог |
| Кораллар | баян, фортепиано, курай |
| Жанрлар | җыр |
| Коллективлар | «Ак каз» керәшен ансамбле (Алабуга) |
| Милләт | татар |
Владимир Мироваев, Владимир Алексей улы Мироваев — үзешчән композитор, җырчы, шагыйрь, баянчы, Алабуга мәдәният һәм сәнгать көллияте укытучысы, «Ак каз» керәшен ансамбле җитәкчесе. ТР атказанган мәдәният хезмәткәре.
Тәрҗемәи хәле
[үзгәртү | вики-текстны үзгәртү]
1954 елның 11 декабрендә Кайбыч районы Хуҗа Хәсән авылында[1]) ( вариант: Пермь өлкәсе (хәзерге Пермь крае) Чайковский районы Засечный бистәсендә[2]) туган. Авыл мәктәбендә 8 сыйныф тәмамлагач, Чуашстанның Цивильск шәһәрендәге мәдәният-агарту укуханәсенә укырга керә, 1972 елда Алабуга (республика) мәдәният укуханәсенә (хәзер Алабуга мәдәният һәм сәнгать көллияте) күчә һәм 1973 елда тәмамлый, 1977 елда Казан дәүләт мәдәният институтының оркестр бүлеген тәмамлый. Армиядә хезмәт итә.
Иҗаты
[үзгәртү | вики-текстны үзгәртү]1973 елда беренче әсәрен — «Алабуга вальсы»н яза.
1979 елдан Алабуга мәдәният укуханәсендә укыта һәм иҗат итә башлый. Баян, фортепиано, аккордеон, тальян, курайда уйный. 1989 елдан «Кардәшләр» (1999 елдан «Ак каз») керәшен фольклор халык ансамблен җитәкли[3]. Әлеге ансамбль белән күп санлы конкурсларда катнашып, призлы урыннар ала һәм РФ, ТР шәһәр-авылларында гастрольләрдә була.
200дән артык язылган көе, шуның эчендә спектакльләр өчен махсус язылганнары да бар.
2014 елда «Син назыңнан мине ташлама» җыентыгы дөнья күрә.
Бүләкләре, мактаулы исемнәре
[үзгәртү | вики-текстны үзгәртү]- 2004, 2005 «Чишмәләр» (композиторлар) фестивале — диплом.
- 2005 «Барлау» республика фестивале — диплом.
- ТР атказанган мәдәният хезмәткәре
- 2006 «Мәдәният өлкәсендә уңышлары өчен» күкрәк билгесе
Гаилә хәле
[үзгәртү | вики-текстны үзгәртү]Мироваевлар гаиләсе республикада моңлы, иҗади актив гаиләләрнең берсе. Хатыны Гөлчәчәк Галиәхмәт кызы, банкта эшли. Балалары, кызлары Диләрә (Сәйфуллина)[4], Энҗе (Габдрәфыйкова).
Искәрмәләр
[үзгәртү | вики-текстны үзгәртү]- ↑ «Кайбыч таңнары» (газета), 02.04.2013(үле сылтама)
- ↑ «Новая Кама» (газета), 07.12.2014(үле сылтама)
- ↑ «Ак каз» ансамбле турында Алабуга шәһәр мәдәният сарае сайтында(үле сылтама)
- ↑ Диләрә Мироваева «Классташлар» порталында
Әдәбият
[үзгәртү | вики-текстны үзгәртү]- Әдипләребез. Библиографик белешмә. 1 том А-К. / Р.Н.Даутов, Р.Ф.Рахмани. – Казан: Татар. кит. нәшр., 2009.
- Әдипләребез. Библиографик белешмә. 2 том Л-Я. / Р.Н.Даутов, Р.Ф.Рахмани. – Казан: Татар. кит. нәшр., 2009.
- Кайбычым – куанычым. Төзүче – Р.Гарәфетдинов. Кайбыч, 1998.
- Туган җирем – Кайбычым. (Кайбицы – край мой родной). Автор-төзүче Р.А.Гарәфетдинов. – Казан: Идел-Пресс, 2007. – 656 бит.
Сылтамалар
[үзгәртү | вики-текстны үзгәртү]- В.А. Мироваев турында «Татарстан Республикасында электрон мәгариф» порталында 2020 елның 18 сентябрь көнендә архивланган.
- Владимиру Мироваеву 60 лет: вся жизнь как один концерт. «Яңа Кама» (газета), 07.12.2014(үле сылтама)
- Мироваевлар башкаруында җырлар(үле сылтама)
- Утыз ел бергә (видео, 5:29)
