Майкл Дуглас

Майкл Дуглас
англ.: Michael Douglas
Майкл Дуглас на цырымоніі ўзнагароджання «Сезар».
Імя пры нараджэнні	Майкл Керк Дуглас
Дата нараджэння	25 верасня 1944(1944-09-25)[1][2][…] (80 гадоў)
Месца нараджэння	Нью-Брансуік, акруга Мідлсекс, Нью-Джэрсі, ЗША[3]
Грамадзянства	ЗША
Бацька	Кірк Дуглас
Маці	Diana Douglas[d]
Жонка	Кэтрын Зета-Джонс
Дзеці	Cameron Douglas[d], Carys Zeta Douglas[d] і Dylan Douglas[d]
Адукацыя	Каліфарнійскі ўніверсітэт у Санта-Барбары Choate Rosemary Hall[d] Eaglebrook School[d] Allen-Stevenson School[d]
Месца працы	Арганізацыя Аб’яднаных Нацый
Прафесія	акцёр, кінапрадзюсар, кінаакцёр, тэлеакцёр, прадзюсар
Кар’ера	з 1954 года
Кірунак	драма, трылер, дакументальны
Узнагароды	прэмія «Даностыя»[d] (1997) прэмія «Тэатральны свет»[d] (1971) Satellite Award for Best Actor in a Musical or Comedy[d] (2001) Прэмія Гільдыі кінаакцёраў ЗША за найлепшы акцёрскі склад у ігравым кіно[d] (2001) Зала славы Нью-Джэрсі[d] прэмія AFI за дасягненні ў кар’еры[d] (2009) Прайм-тайм прэмія «Эмі» за найлепшую мужчынскую ролю ў міні-серыяле ці тэлефільме[d] (2013) зорка на галівудскай «Алеі славы»
IMDb	ID 0000140
Медыяфайлы на Вікісховішчы

Майкл Кірк Ду́глас (англ.: Michael Kirk Douglas; нар. 25 верасня 1944(1944-09-25)^[1][2][…], Нью-Брансуік, Нью-Джэрсі^[3]) — амерыканскі кінаакцёр і прадзюсар, паходзіць з беларускіх яўрэяў^[4].

Сын акцёра Кірка Дугласа і бермудскай актрысы Даяны Дыл, дачкі палкоўніка Томаса Мелвіла Дыла і Рут Рапальі Нейльсан. Скончыў прэстыжную Іглбрукскую Школу ў Дырфілдзе, штат Масачусетс, і Чоэт Розмэры Гол ва Уолінгфордзе, штат Канектыкут. У 1968 годзе скончыў Каліфарнійскі ўніверсітэт у Санта-Барбары.

Хуткаму кар’ернаму росту паспрыяла слава бацькі. Першым яго поспехам быў серыял «Вуліцы Сан-Фрацыска», што ішоў у 1972—1976 гадах. У 1975 годзе ён як прадзюсар атрымаў «Оскар» за фільм «Палёт над гняздом зязюлі». Аднак неўзабаве пачаўся спад кар’еры, які скончыўся толькі ў 1984 годзе, калі Дуглас зняўся ў фільме «Раман з камнем».

Сусветна вядомым ён стаў дзякуючы фільму «Ракавая жарсць», што выйшаў на экраны ў 1987 годзе. У 1988 годзе ён атрымаў чарговага «Оскара», на гэты раз за ролю Гордана Гека ў фільме «Уол-Стрыт». Найбольшую славу яму прынёс фільм «Асноўны інстыкт», дзе ён зняўся разам з Шэран Стоўн. За гэтае кіно Дуглас у 1998 годзе атрымаў Крыштальны Глобус на Міжнародным Кінафестывалі ў Карлавых Варах.

Нягледзячы на правал фільму «Усялякае ў сям’і» (2003), пасля якога Дуглас тры гады не з’яўляўся на экране, ён застаецца адным з найбольш папулярных акцёраў ЗША.

20 сакавіка 1977 года Майкл Дуглас ажаніўся з Даендрай Люкер. 13 снежня 1978 года ў іх нарадзіўся сын Кэмеран. У 2000 годзе Майкл і Даендра развяліся, і 18 лістапада 2000 года Дуглас ажаніўся з валійскай актрысай Кэтрын Зетай Джонс, ад якой мае двух дзяцей: сына Дылана Майкла (нарадзіўся 8 жніўня 2000) і дачку Кэрыс Зету (нарадзілася 20 красавіка 2003).

Майкл Дуглас — прыхільнік ядзернага разбраення. Ён уваходзіць у кіраўніцтва Фонду Рала, які выступае супраць біялагічнай, хімічнай і ядзернае зброі. У 1998 годзе стаў Паслом Міру ААН. Дуглас з’яўляецца заўзятым прыхільнікам і спонсарам Дэмакратычнай Партыі ЗША.

• На Вікісховішчы ёсць медыяфайлы па тэме Майкл Дуглас