Тадэвуш Францішак Агінскі

Тадэвуш Францішак Агінскі
Герб «Агінскі»
Ваявода троцкі 26 сакавіка 1770 — лістапад 1783
Папярэднік	Аляксандр Пацей
Пераемнік	Андрэй Агінскі
Нараджэнне	26 жніўня 1712(1712-08-26)[1]
Смерць	25 лістапада 1783(1783-11-25) (71 год) Ручыца, Ашмянскі павет, Віленскае ваяводства, Вялікае Княства Літоўскае, Рэч Паспалітая або Маладзечна, Ашмянскі павет, Віленскае ваяводства, Вялікае Княства Літоўскае, Рэч Паспалітая[2]
Месца пахавання	Касцёл Святых Янаў
Род	Агінскія[3]
Бацька	Марцыян Міхал Агінскі[4]
Маці	Тэрэза з Бжастоўскіх[4]
Жонка	Ізабела з Радзівілаў[d][5][3] і Ядвіга Тэрэза з Залускіх[2]
Дзеці	Францішак Ксаверый Агінскі[2] і Андрэй Агінскі[2]
Узнагароды
Медыяфайлы на Вікісховішчы

Тадэвуш Францішак Агінскі (26 жніўня 1712 — 31 снежня 1783, Маладзечна) — вялікалітоўскі дзяржаўны дзеяч, пісар вялікі літоўскі (1737—1744), кашталян троцкі (1744—1770), ваявода троцкі (1770—1783).

Быў старостам ашмянскім (з 1739)^[6].

Са старэйшай княжацкай лініі роду Агінскіх, сын Марцыяна Міхала і Тэрэзы з Бжастоўскіх. Меў братоў Ігнацыя і Станіслава Ежы.

У 1733 годзе падпісаў элекцыю Станіслава Ляшчынскага і выступіў у яго абарону. Пазней у 1736 года вызнаў уладу Аўгуста Саксонскага. Актыўны ўдзельнік соймаў, яго прамовы выйшлі ў друку. Маршалак Гарадзенскага сойма (5 кастрычніка — 19 лістапада 1744). Падпісаў элекцыю Станіслава Аўгуста, быў членам Пастаяннай Рады (1776—1778).

Збудаваў палац у Маладзечна, дзе ўладкаваў уласную рэзідэнцыю. Пры палацы была багатая бібліятэка і мастацкая галерэя.

У шлюбе з Ізабелай з Радзівілаў меў сыноў Андрэя і Францішка Ксаверыя. Другі шлюб (1763) з Ядвігай Тэрэзай з Залускіх быў бяздзетным.

• Іканаграфія Тадэвуша Францішка Агінскага
• 
  З Тадулінскага манастыра, XVIII ст.
• 
  A. Lemoine, 1857—58 гг.
• 
  A. Lemoine, 1857—58 гг.
• 
  К. Мінтэр, 1826 г. (відаць, партрэт М. К. Агінскага)

• Грыцкевіч А. Агінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 203. — 688 с. — ISBN 985-11-0314-4 (т. 1), ISBN 985-11-0315-2.

• На Вікісховішчы ёсць медыяфайлы па тэме Тадэвуш Францішак Агінскі