காஞ்சிபுரம் விண்டுவீசர் கோயில்

காஞ்சிபுரம் விண்டுவீசம்.
பெயர்
பெயர்:	காஞ்சிபுரம் விண்டுவீசம்.
அமைவிடம்
ஊர்:	காஞ்சிபுரம்
மாவட்டம்:	காஞ்சிபுரம்
மாநிலம்:	தமிழ்நாடு
நாடு:	இந்தியா
கோயில் தகவல்கள்
மூலவர்:	விண்டுவீசர்.

காஞ்சிபுரம் விண்டுவீசர் கோயில் (விண்டுவீசம்) என விளங்கும் இது, காஞ்சிபுரத்திலுள்ள சிவக் கோயில்களில் ஒன்றாகும். திருமால் வழிபட்ட இக்கோயில் காஞ்சி திருவேகம்பத்தின் மூன்றாம் பிராகாரம் தெற்கு பக்கம் ஆயிரங்கால் மண்டபத்திலுள்ள கோபுர வாயிலுக்கு நேரே தென் பிராகாரத்தில் பிள்ளையார் சந்நிதிக்கு பக்கத்தில் உள்ளது. மேலும், இவ்விறைவரை விஷ்ணுவேஸ்வரர் என்ற பெயராலும் அழைக்கப்படும் இக்கோயில் குறிப்புகள், காஞ்சி புராண படலத்துள் உட்கோயில்களாகச் சொல்லப்பட்டுள்ளது.^[1]

திருப்பாற்கடலிலிருந்து திருமால் தன் மனையாட்டியினருடன் தில்லையில் வந்து திருநடனம் காணத் தவம்புரியங்கால் தில்லை நாதன் திருக்காஞ்சியில் எம்மை வழிபட்டு வருவாய் எனில் இங்கு எமது நடனத்தைப் பெறுவாயென்று கட்டளையிட அவ்வண்ணமே வந்து பூசித்தனர்.^[2]

தில்லையில் இறைவன் ஆடுகின்ற ஆனந்த நடனத்தை தன்யோக நித்திரையில் அனுபவித்துக் கொண்டிருக்கும் திருமால், அந்தற்புத நடனத்தை இலக்குமி முதலியோருக்கும் காட்ட விரும்பி, காஞ்சியில் விண்டுவீசர் என்ற பெயரில் சிவலிங்கம் பிரதிட்டை செய்து வழிபட்டு, இறைவனின் அருளால் அனைவரையும் தில்லைக்கு அழைத்துச் சென்று ஆனந்த நடனத்தைக் காட்ட, அனைவரும் கண்டு பரவசப்பட்டனர் என்பது வரலாறாகும்.^[3]

• பாடல்: (விண்டுவீச்சர வரலாறு கலிநிலைத் துறை) காஞ்சிப் புராணம் | தழுவக் குழைந்த படலம் | விண்டுவீச்சர வரலாறு கலிநிலைத் துறை | பாடல்கள்: 150 - முதல் | பக்கம்: 631 - முதல்
• பொழிப்புரை:^[4]

இந்தியாவின் தென்கடை மாநிலம் தமிழ்நாட்டிலுள்ள காஞ்சிபுரம் மாவட்டத்தின் தலைநகரான பெரிய காஞ்சிபுரம் எனப்படும் சிவகாஞ்சியின் காஞ்சி திருவேகம்பத்தின் பிரகாரத்தில் - பிள்ளையார் சந்நிதிக்கு பக்கத்தில் விண்டுவீசம் அமைந்துள்ளது. மேலும், தமிழ்நாட்டின் தலைநகர் சென்னையிலிருந்து 75 கிலோமீட்டர் தொலைவிலுள்ள, காஞ்சிபுரம் பேருந்து நிலையத்திலிருந்து வடமேற்கில் ½ மைல் தூரமுள்ள காஞ்சி சங்கர மடத்தை கடந்து சற்று தூரம் சென்றால் திருவேகம்பத்தில் இக்கோயில் தாபிக்கப்பட்டுள்ளது.^[5]

• வான்வழி: வானூர்தி சேவை இல்லை; உலங்கு வானூர்தி மூலம் காஞ்சிபுரம் வந்தடைய, காஞ்சியிலிருந்து 3 கிலோமீட்டர் தொலைவிலுள்ள ஏனாத்தூர் ஸ்ரீ சங்கரா கலை மற்றும் அறிவியல் கல்லூரியின் அகத்திலுள்ள உலங்கூர்தி இறங்குதளத்தில் இறங்கி சீருந்து மூலம் இக்கோயிலை அடையலாம்.
• இரும்புத் தடம்: தொடருந்து மூலாமாக; தலைநகர் சென்னையிலிருந்து செங்கல்பட்டு மார்க்கமாகவும், திருப்பதியிலிருந்து அரக்கோணம் மார்க்கமாகவும், காஞ்சி தொடருந்து நிலையத்தை அடைந்து அங்கிருந்து 1 கிலோமீட்டர் தொலைவிலுள்ள இக்கோயிலை, சீருந்து மூலமாகவும், தானியுந்து மூலமாகவும் சென்றடையலாம்.
• சாலை வழி: பேருந்திலோ, அல்லது சீருந்துலோ, காஞ்சி வந்தடைய நான்கு திசையில் சாலை வழியுள்ளன; வடகிழக்கில், சென்னையிலிருந்து (75 கிலோமீட்டர்) திருப்பெரும்புதூர் வழியாகவும் ; தென்கிழக்கில், செங்கல்பட்டிலிருந்து (40 கிலோமீட்டர்) வாலாசாபாத் வழியாகவும்; வடமேற்கில், விழுப்புரத்திலிருந்து (80 கிலோமீட்டர்) வந்தவாசி வழியாகவும்; தென்மேற்கில், பெங்களுரிலிருந்து (275 கிலோமீட்டர்) வேலூர் வழியாகவும் இக்கோயில் நகரை வந்தடையலாம்.^[6]

• காஞ்சி கோயில்களின் சாலைகள் வரைபடம்.
• காஞ்சி விண்டுவீசம் விண்டுவீசர் கோயில் படிமம்.