1842

1842 (MDCCCXLII) ஒரு சனிக்கிழமையில் ஆரம்பமான ஒரு கிரிகோரியன் சாதாரண ஆண்டாகும், அல்லது பழைய 12 நாட்கள் பின்னோக்கிய ஜூலியன் நாட்காட்டியில் வியாழக்கிழமையில் ஆரம்பமான ஒரு சாதாரண ஆண்டாகும்.

• சனவரி 6-13 - காபூலில் இருந்து ஜலாலாபாத் வரையான சாலையில் அக்பர் கான் தலைமையிலான படைகள் வில்லியம் எல்பின்ஸ்டன் தலைமையிலான பிரித்தானிய, இந்தியப் படையினரைத் தாக்கியதில் 16,000 பேர் வரையில் கொல்லப்பட்டனர்.
• மார்ச் 30 - அறுவை சிகிச்சைகளில் முதன்முதலாக மயக்க மருந்து குரோஃபோர்ட் லோங் என்பவரினால் பயன்படுத்தப்பட்டது.
• மே 8 - பாரிஸ் அருகில் இரண்டு தொடருந்துகள் மோதித் தீப்பிடித்ததில் 59 பேர் கொல்லப்பட்டனர்.
• ஆகத்து 9 - ஐக்கிய அமெரிக்காவுக்கும் கனடாவுக்கும் இடையில் ரொக்கி மலைகளின் கிழக்குப் பகுதியில் எல்லைகளுக்கான உடன்பாடு எட்டப்பட்டது.
• ஆகத்து 10 – சுரங்கத் தொழிலில் பெண்கள், மற்றும் 10 வயதுக்கும் குறைவான சிறுவர்கள் வேலைக்கமர்த்துவது இங்கிலாந்தில் தடை செய்யப்பட்டது.
• ஆகத்து 21 - டாஸ்மானியாவின் தலைநகர் ஹோபார்ட் நகரம் அமைக்கப்பட்டது.
• ஆகத்து 29 – நாஞ்சிங் உடன்படிக்கையின் படி முதலாவது ஓப்பியம் போர் முடிவுக்கு வந்து ஹொங்கொங் பிரித்தானிய குடியேற்ற நாடாக அறிவிக்கப்பட்டது.
• அக்டோபர் - முதலாவது வாசிக சாலை யாழ்ப்பாணத்தில் திறக்கப்பட்டது. இதுவே பின்னர் யாழ்ப்பாணப் பொது நூலகம் ஆனது^[1].
• அக்டோபர் 22 - வண்ணார்பண்ணையில் சைவப் பள்ளி ஆரம்பிக்கப்பட்டது^[1].
• அக்டோபர் 29 – ஐபீரியக் குடாவில் சூறாவளி தாக்கியது.
• நவம்பர்-டிசம்பர் - மன்னாரில் வாந்திபேதி நோய் பரவியதில் 500 பேர் வரை இறந்தனர்^[1].

• டாப்ளர் விளைவு என்பதை ஆஸ்திரிய இயற்பியலாளர் கிறிஸ்டியன் டாப்ளர் முன்மொழிந்தார்.
• ஆஸ்திரேலியாவின் பிறிஸ்பேன் நகரில் மக்கள் குடியேற்றம் அனுமதிக்கப்பட்டது.

• சூன் 2 - ப. கந்தப்பிள்ளை (ஆராய்ச்சிக் கந்தர்), புலவர், மருத்துவர் (நாவலரின் தந்தை)

விக்கிமீடியா பொதுவகத்தில்,
1842
என்பதில் ஊடகங்கள் உள்ளன.